બનાસકાંઠામાં માતાએ તેની ચાર બાળકીઓ સાથે કેનાલમાં લગાવી મોતની છલાંગ- હ્રદય કંપાવનારી છે આ ઘટના

બનાસકાંઠા(ગુજરાત): રાજ્યમાંથી અવાર-નવાર એવા કિસ્સા સામે આવી રહ્યા છે જેમાં વ્યક્તિ અગમ્ય કારણોસર આપઘાત કરી લેતા હોય છે. આ દરમિયાન, એવા પણ ઘણા બનાવો સામે આવ્યા છે જેમાં તળાવ, કુવા કે કેનાલમાં બાળકો સાથે પણ ઝંપલાવીને આત્મહત્યા કરી લેતા હોય છે. છેલ્લા ઘણા દિવસોથી રાજ્યમાંથી આવા કિસ્સા સતત સામે આવી રહ્યા છે. ત્યારે આવો જ એક ચોકાવનારો કિસ્સો બનાસકાઠામાંથી સામે આવ્યો છે.

મળતી માહિતી મુજબ, થરાદની મુખ્ય નર્મદા કેનાલમાં એક મહિલાએ પોતાના 4 સંતાનો સાથે ઝંપલાવ્યું છે. મહિલાએ અગમ્ય કારણોસર પોતાની 4 બાળકીઓ સાથે કેનાલમાં ઝંપલાવ્યું છે. કેનાલમાં ડૂબવાથી મહિલા અને તેની બે બાળકીઓ સહિત 3 લોકોના કરુણ મોત નિપજ્યા હોવાનું સામે આવ્યું છે. આ દરમિયાન, બે બાળકીઓને સ્થાનિક તરવૈયાઓની મદદથી બચાવી લેવામાં આવી છે. ત્રણ લોકોના મોત થતાં સમગ્ર પંથકમાં અરેરાટી છવાઈ છે.