સામે આવી ODI વર્લ્ડકપ 2023 ની તારીખ, આ તારીખે એકબીજા સાથે ટકરાશે ભારત અને પાકિસ્તાન

IND vs PAK / ICC ODI World Cup 2023: ICC ક્રિકેટ વર્લ્ડ કપ 2023 ઓક્ટોબર-નવેમ્બરમાં ભારતની યજમાની પદે થવાનો છે. હવે આ વર્લ્ડ કપને લઈને એક મોટા સમાચાર સામે આવી રહ્યા છે. ક્રિકબઝ (Cricbuzz) ના અહેવાલ મુજબ વર્લ્ડ કપની શરૂઆત 5 ઓક્ટોબરે ઈંગ્લેન્ડ અને ન્યૂઝીલેન્ડ વચ્ચેની મેચથી થશે. અને ફાઈનલ મેચ 19 નવેમ્બરે રમાશે.

ભારતની પ્રથમ મેચ ઓસ્ટ્રેલિયા સામે

પાકિસ્તાનની ટીમ પણ વર્લ્ડ કપ 2023માં ભાગ લેવા જઈ રહી છે. 15 ઓક્ટોબરના રોજ ભારત અને પાકિસ્તાન વચ્ચે મેચ થવાની સંભાવના છે. ટૂર્નામેન્ટની શરૂઆત અને ફાઇનલ મેચ પણ નરેન્દ્ર મોદી સ્ટેડિયમમાં યોજાય તેવી શક્યતા છે. ભારતીય ટીમ પોતાની પ્રથમ મેચ પાંચ વખતની ચેમ્પિયન ઓસ્ટ્રેલિયા સામે રમશે.

Cricbuzz એ પણ પુષ્ટિ કરી છે કે, પાકિસ્તાન વર્લ્ડ કપ માટે ભારતના પ્રવાસ માટે સંમત થઈ ગયું છે. પરંતુ એવા અહેવાલો છે કે, પાકિસ્તાનની ટીમ અમદાવાદમાં ગ્રુપ મેચ રમવા માંગતી નથી. કામચલાઉ કાર્યક્રમ મુજબ, 1992ની વર્લ્ડ કપ વિજેતા ટીમ પાકિસ્તાન તેની મેચો અમદાવાદ, હૈદરાબાદ, ચેન્નાઈ અને બેંગલુરુમાં રમશે.

મોહાલી-નાગપુરમાં મેચ નહીં થાય!

અમદાવાદ ઉપરાંત ચેન્નાઈ, બેંગ્લોર અને હૈદરાબાદ, કોલકાતા, દિલ્હી, ઈન્દોર, ધર્મશાલા તેમજ ગુવાહાટી, રાજકોટ, રાયપુર અને મુંબઈમાં વર્લ્ડ કપ મેચોની યજમાની કરવાનો મોકો મળવા જઈ રહ્યો છે. જ્યારે મોહાલી અને નાગપુરને યજમાન શહેરોની યાદીમાંથી બાકાત રાખવામાં આવ્યા છે. 2011 ODI વર્લ્ડ કપની ફાઈનલની યજમાની કરનાર વાનખેડે સ્ટેડિયમને આ વખતે સેમીફાઈનલ મેચની યજમાની કરવાનો મોકો મળી શકે છે.