ભારતીય ક્રિકેટ ટીમ પ્રથમ વખત રમશે દર્શકો વગરના મેદાનમાં. જાણો ચોંકાવનારુ કારણ

કોરોના વાયરસને કારણે ભારત અને દક્ષિણ આફ્રિકા વચ્ચે રમાઈ રહેલી શ્રેણી અંગે મોટો નિર્ણય લેવામાં આવ્યો છે. ભારત અને દક્ષિણ આફ્રિકા વચ્ચે બીજી વનડે મેચ 15 માર્ચે લખનૌમાં અને ત્રીજી વનડે મેચ 18 માર્ચે પ્રેક્ષકોની હાજરી વગર કોલકાતામાં રમાશે. મેચના આયોજકોએ વેચાયેલ ટિકિટના પૈસા પરત આપવાનો નિર્ણય લીધો છે.

ભારત અને દક્ષિણ આફ્રિકા વચ્ચે ત્રણ મેચની વનડે સિરીઝની બીજી મેચ લખનઉમાં રમાવાની છે. હવે આ મેચ ખાલી સ્ટેડિયમમાં દર્શકોની હાજરી વગર રમવામાં આવશે. અત્યાર સુધીમાં કરોડની ટિકિટ વેચાઇ હતી, પરંતુ હવે તે પ્રેક્ષકોને પરત આપવામાં આવશે.

આ શ્રેણીની છેલ્લી મેચ કોલકાતામાં 18 માર્ચે રમવાની છે. આ મેચ માટે વેચાયેલી બધી ટિકિટો દર્શકોને પાછા આપી દેવામાં આવશે. આજના દિવસે જ ભારત અને દક્ષિણ આફ્રિકા વચ્ચે ત્રણ મેચની વનડે સિરીઝની પહેલી મેચ વરસાદને કારણે રદ કરવામાં આવી હતી.