બ્લેક ફંગસ સામે ઝઝુમતા ભારતને બચવવા માટે PM મોદીએ અધિકારીઓને આપ્યો આ ખાસ આદેશ

ભારત સરકારના (Indian government) સૂત્રોના જણાવ્યા અનુસાર, બ્લેક ફંગસના (Black fungus) વધતા જતા કેસોને ધ્યાનમાં રાખીને કેન્દ્ર સરકારે મ્યુકાર્મિકોસિસ સાથેના વ્યવહારમાં લિપોસોમલ એમ્ફોટોરિસિન બી ઈન્જેક્શનની (Liposomal Amphotericin B injection) ઉપલબ્ધતા વધારવાના પ્રયાસો ઝડપી બનાવ્યા છે.

કોરોનાવાયરસ (Coronavirus) ચેપની બીજી તરંગ નબળી પડી હોય તેવું લાગે છે, પરંતુ બ્લેક ફંગસના વધતા જતા કેસો ફરી એકવાર દેશને મુશ્કેલીમાં મુકી રહ્યા છે. બ્લેક ફંગસમાં વપરાતી દવા લિપોસોમલ એમ્ફોટોરિસિન બી ઈંજેક્શનની ઉણપ સાથે ભારત પહેલાથી જ ઝઝૂમી રહ્યું છે.

ભારત સરકારના સુત્રોના જણાવ્યા અનુસાર, બ્લેક ફંગસના વધતા જતા કેસોને ધ્યાનમાં રાખીને કેન્દ્ર સરકારે બ્લેક ફંગસને અસરકારક લિપોસોમલ એમ્ફોટોરિસિન-બી ઈન્જેક્શનની ઉપલબ્ધતા વધારવાના પ્રયાસો શરૂ કર્યા છે. આ દવાનું ઉત્પાદન વધારવા સરકારે વધુ પાંચ કંપનીઓને લાઈસન્સ આપ્યું છે, જે આ દવા બનાવી શકે છે.

ભારતમાં કોરોના વાયરસની સાથે બ્લેક ફંગસના નવા કેસ પણ સતત દેખાઈ રહ્યા છે. સૂત્રોના જણાવ્યા અનુસાર, વડા પ્રધાન નરેન્દ્ર મોદીએ અધિકારીઓને સૂચના આપી છે કે, આ દવા વિશ્વમાં ક્યાંય પણ દેશમાં ઉપલબ્ધ કરાવવી જોઇએ. પીએમ મોદીની સૂચના બાદ બ્લેક ફંગસની દવાઓનો પુરવઠો મેળવવાની કામગીરી તીવ્ર કરવામાં આવી છે. અહેવાલ છે કે, બ્લેક ફંગસમાં વપરાતી દવા ગિલયડ સાયન્સિસની મદદથી અમેરિકામાં મંગાવવામાં આવી રહી છે.