દુરદર્શન પર આવેલા એક સમાચારે પાકિસ્તાનને ઈર્ષાની આગમાં બાળ્યું- જાણો અહી

પાકિસ્તાનના કબજા હેઠળ રહેલા કાશ્મીર (POK)ના મીરપુર, મુઝફ્ફરાબાદ અને ગિલગિટ-બાલ્ટિસ્તાનના હવામાનની વિગતો આપતા ભારતીય અહેવાલ જોઇને પાકિસ્તાનને હૈયા ફાળ પડી છે. પાકિસ્તાન આ સહન ન થતા બણગાં ફૂંક્યા કે આ કાયદેસર રીતે વ્યાજબી નથી અને આવું કરવાથી અમરી જમીન ભારતની થઇ જવાની નથી અને કહ્યું હતું કે આ પ્રદેશની પરિસ્થિતિ બદલી શકાતી નથી.

નોંધનીય છે કે સરકારના બ્રોડકાસ્ટર્સ દૂરદર્શન અને ઓલ ઇન્ડિયા રેડિયોએ શુક્રવારથી તેમના પ્રાઇમ ટાઇમ ન્યૂઝ બુલેટિનમાં પીઓકેના આ વિસ્તારોની હવામાનની જાણકારી આપવાનું કર્યું છે. આનાથી ગિન્નાયેલા, પાકિસ્તાના વિદેશ મંત્રાલયે એક નિવેદનમાં કહ્યું છે કે ગયા વર્ષે જાહેર કરાયેલા ભારતના કથિત ‘રાજકીય નકશા’ની જેમ, કાયદેસર નથી.

દેશના હવામાન આગાહી કરનાર ભારતીય હવામાન વિભાગ (આઈએમડી) એ તેના હવામાન વિભાગના જમ્મુ-કાશ્મીરના પેટા વિભાગને ‘જમ્મુ-કાશ્મીર, લદ્દાખ, ગિલગિટ-બાલ્ટિસ્તાન અને મુઝફ્ફરાબાદ’ તરીકે દેખાડવાનું શરુ કર્યું છે, જે પાકિસ્તાન પચાવી શકતું નથી.