ભારત પાકિસ્તાનને પુરાવા નહીં આપે, દુનિયાની સામે જ તેની પોલ ખોલશે

પુલવામા આતંકી હુમલા બાદ ભારતે પાકિસ્તાનને ચારે બાજુથી ઘેરવાના પ્રયાસો શરૂ કર્યા છે. તે પછી કૂટનીતિ રીતે હોય કે પછી સીધો જ આતંકીઓને જડબાતોડ જવાબ આપવાની વાત હોય. ભારતની આ નીતિમાં વિશ્વના અનેક દેશો સાથ આપવા તૈયાર છે.

બુધવારે ગૃહમંત્રી રાજનાથ સિંહે અમેરિકામાં ફરજ બજાવતા ભારતીય રાજદૂત અને પાકિસ્તાનમાં ભારતીય રાજૂદત સાથે પણ મુલાકાત કરી હતી. આ મુલાકાત પછી એવા સંકેત મળ્યા છે કે, ભારત પાકિસ્તાનને હુમલાના કોઈ પુરાવા નહીં આવે અને દુનિયાની સામે જ તેની પોલ ખોલશે.

રાજનાથસિંહ સાથે અજય બિસારિયાની મુલાકાત : 

પાકિસ્તાનમાં ભારતના ઉચ્ચાયુક્ત અજય બિસારિયાએ બુધવારે નવી દિલ્હીમાં ગૃહમંત્રી રાજનાથ સિંહ સાથે મુલાકાત કરી હતી. અજય બિસારિયા પુલવામા હુમલા બાદથી નવી દિલ્હીમાં જ છે.

હર્ષવર્ધન સિંગલા સાથે રાજનાથ સિંહની મુલાકાત:

અજય બિસારિયા ઉપરાંત અમેરિકામાં ભારતના રાજદૂત હર્ષવર્ધન સિંગલાએ પણ ગૃહમંત્રી રાજનાથ સિંહ સાથે મુલાકાત કરી હતી. મંગળવારે જ અમેરિકાના રાષ્ટ્રપતિ ડોનાલ્ડ ટ્રમ્પે પુલવામા હુમલાની નિંદા કરી છે.