પ્રેમિકાને ફોન કરી ધ્રૂસકેને ધ્રૂસકે રડ્યો હતો ભારતીય ટીમનો આ દિગ્ગજ ખેલાડી- કારણ જાણી ચોંકી ઉઠશો

હાલમાં કોરોનાની મહામારી ચાલી રહી છે. કોરોના વાયરસને લીધે હાલમાં પણ ટીમ ઈન્ડિયાનાં ખેલાડીઓ લાંબા સમયથી મેદાનથી દૂર રહ્યાં છે. પણ, હવે IPL નાં આયોજન બાબતે સ્પષ્ટતા થતાં જ ખેલાડી મેદાન પર ઉતરવાં માટે ઉત્સાહી પણ છે. લોકડાઉન તેમજ અનલોક દરમિયાન મોટાભાગનાં ખેલાડી સોશિયલ મીડિયા પર વધુ એક્ટિવ રહેવાં લાગ્યા હતાં.

પણ હવે ખેલાડીઓનું સંપૂર્ણ ધ્યાન ફરી એકવાર ક્રિકેટ પર જોવાં મળશે.આ દરમિયાન ટીમ ઈન્ડિયાનાં સૌથી ઝડપી બોલર તથા કુલ 80 વન-ડે ઇન્ટરનેશનલમાં કુલ 115 વિકેટ તથા કુલ 97 ટેસ્ટમાં કુલ 297 વિકેટ લેનાર ઇશાંત શર્માએ એક ખુબ જ મોટો ખુલાસો કર્યો છે.

મીડિયા જાણકારી પ્રમાણે ઇશાંતે જણાવતાં કહ્યું, કે વર્ષ 2013માં તેનાં કરિયરમાં એક એવી પણ ક્ષણ આવી હતી કે જ્યારે એ સંપૂર્ણ રીતે તૂટી પડ્યો હતો તથા એની ગર્લફ્રેન્ડને કોલ કરીને ધ્રૂસકે ધ્રૂસકે રડવાં લાગ્યો હતો.

જાણકારી મુજબ ઇશાંતે જણાવતાં કહ્યું, કે વર્ષ 2013માં મોહાલીમાં ઓસ્ટ્રેલિયાની સામે વન-ડે સીરીઝની છેલ્લી મેચમાં ઓસ્ટ્રેલિયાને માત્ર 18 જ બોલમાં કુલ 44 રનની જરૂર પડી હતી. ત્યારે જ ઓસ્ટ્રેલિયાનાં બેટ્સમેન જેમ્સ ફોકનરે ઇશાંતની જ ઓવરમાં કુલ 30 રન ફટકાર્યા હતાં. ત્યારપછી ભારત પણ ઓસ્ટ્રેલિયાની વિરુદ્ધ મેચ હાર્યું હતું.