ઓલિમ્પિક 2020માં ભારતનું પહેલું ગોલ્ડ- જાણો કોણે રચ્યો ઈતિહાસ

ટોક્યો ઓલિમ્પિક 2020માં ગોલ્ડ મેડલ જીતીને ભારતે ઇતિહાસ રહ્યો છે. ઓલિમ્પિકના 100 વર્ષના ઇતિહાસમાં ભારતે એથ્લેટિકમાં પહેલીવાર ગોલ્ડ મેડલ જીત્યો છે. નીરજ ચોપરાએ (neeraj chopra) આજે 87.58 મીટર જવેલિન થ્રો કરીને ગોલ્ડ મેડલ જીત્યો છે. બીજા નંબરે ચેક રિપ્બીલીકનો વેડલેચ રહ્યો છે, જેણે 86.67 મીટર દૂર ભાલા થ્રો કર્યો હતો. જ્યારે ત્રીજા નંબરે ચેક રિપ્લીકનો વેસ્લે રહ્યો છે, જેણે 85.44 મીટર દૂર જવેલિન થ્રો કર્યો હતો.

આ ગોલ્ડ મેડલ સાથે આજે ભારતને બીજો મેડલ મળ્યો છે. કુસ્તીમાં બજરંગ પુનિયાએ બ્રોન્ઝ મેડલ અપાવ્યા પછી નીરજ ચોપરાએ જેવેલિન થ્રોમાં ગોલ્ડ મેડલ અપાવ્યો છે અને સાથે સાથે સમગ્ર દેશનું નામ રોશન કર્યું છે. અગાઉ પણ  12મા દિવસે ભારત માટે એક સારા સમાચાર આવ્યા હતા. ભારતીય એથ્લેટ નિરજ ચોપડાએ ભાલા ફેકમાં એટલે કે ભાલા ફેંક સ્પાર્ધાની ફાઈનલ માટે ક્વોલિફાઇ કરી લીધું હતું.

ટોક્યો ઓલિમ્પિકનો આજે 15મો દિવસ છે. ભારતીય કુસ્તીબાજ બજરંગ પુનિયાએ બ્રોન્ઝ મેડલ જીત્યો છે જે પણ ભારતીય માટે ગર્વની વાત કહી શકાય. કઝાકિસ્તાનના ખેલાડીને હરાવીને બ્રોન્ઝ મેડલ મેળવ્યો છે. પુનિયાએ 8-0થી કઝાકિસ્તાનના ખેલાડીને પરાજય આપ્યો હતો. ટોક્યો ઓલિમ્પિકમાં આ સાથે ભારતના ખાતામાં અત્યાર સુધીમાં 7 મેડલ આવી ચુક્છેયા. જેમાં એક ગોલ્ડ, બે સિલ્વર અને 4 બ્રોન્ઝ મેડલનો સમાવેશ થાય છે.

ઓલિમ્પિક ગેમ્સમાં 13 વર્ષ પછી ઈન્ડિયાને રમતમાં ગોલ્ડ મેડલ મળ્યો છે. આ અગાઉ 2008મા બીજિંગ ઓલિમ્પિકમાં શૂટર અભિનવ બિન્દ્રાએ ગોલ્ડ મેડલ જીત્યો હતો. બિંન્દ્રાએ 10 મીટર એર રાઇફલ ઇવેન્ટમાં ગોલ્ડ મેડલ પોતાને નામ કર્યો હતો.