લગ્નના ફેરા ફરે એ પહેલા જ એવું શું થયું કે, દુલ્હા અને દુલ્હને કર્યા ઝેરના પારખાં- જ્યાં લગ્નગીતો સાંભળવાના હતા ત્યાં મરશીયા સંભળાયા

Sucide in marriage Indore news: મધ્યપ્રદેશ (MP)ના ઈન્દોર (Indore)માં એક દર્દનાક ઘટના સામે આવી છે. અહીં લગ્નના ફેરા પહેલા જ કંઈક એવું થયું કે વરરાજાએ ઝેર ગટગટાવી લીધું (Groom’s suicide) હતું અને સાથે દુલ્હનએ પણ ઝેર ગટગટાવી લીધું. જ્યાં ઝેરી દવા (Poisonous medicine) પી લેતા વરરાજાનું મોત નીપજ્યું હતું, જ્યારે કન્યાની ખાનગી હોસ્પિટલમાં સારવાર ચાલી રહી છે. મળતી માહિતી મુજબ, બંનેની 15 મહિના પહેલા સગાઈ થઈ હતી, ત્યારબાદ બંને લગ્ન કરવા માટે આર્ય સમાજ પહોંચ્યા હતા. આ ઘટના ઈન્દોરના કનેડિયા પોલીસ સ્ટેશન (Police Station Kanadia) વિસ્તારમાં સ્થિત આર્ય સમાજની છે.

ઝેરી દવા ગટગટાવવાથી વરરાજાને હોસ્પિટલમાં તબીબોએ મૃત જાહેર કર્યો હતો, જ્યારે કન્યાની હાલત ગંભીર છે. તેની હોસ્પિટલમાં સારવાર ચાલી રહી છે. લગ્ન પહેલા જ શું પરિસ્થિતિ હતી કે બંનેએ ઝેરી દવા પીને આત્મહત્યા જેવું ઘાતક પગલું ભર્યું તે હજુ સ્પષ્ટ થયું નથી. પોલીસ તપાસ કરી રહી છે. પરિવારનો આરોપ છે કે છોકરી છોકરાને કેસમાં ફસાવી દેવાની ધમકી આપી રહી હતી. થોડા દિવસો પહેલા તે ફરિયાદ કરવા આઝાદ નગર પોલીસ સ્ટેશન પણ પહોંચી હતી. ત્યાં બંનેનું કાઉન્સેલિંગ થયું, ત્યારથી યુવક તણાવમાં હતો. તે લગ્ન કરવા રાજી થઈ ગયો હતો પરંતુ લગ્ન પહેલા જ બંને વચ્ચે કોઈ બાબતે બોલાચાલી થઈ હતી અને બંનેએ ઝેરી દવા પી લીધી હતી.

ઓલા કંપનીમાં કામ કરતા યુવક દીપક અહિરવારની 15 મહિના પહેલા નિશા નામની યુવતી સાથે સગાઈ થઈ હતી. બંને વચ્ચે ઘણા સમયથી પ્રેમ પ્રકરણ ચાલતું હતું. શેરબજારમાં કામ કરતી વખતે બંનેની ઓળખ થઈ હતી. જે બાદ બંને વચ્ચે પ્રેમસંબંધ બંધાયો હતો અને બંનેએ સાથે જીવવાની અને મરવાની પ્રતિજ્ઞા લીધી હતી. જાણવા મળ્યું હતું કે નિશા દીપક પાસે ઘણી વખત પૈસાની માંગણી કરતી હતી. ક્યારેક તે નવી વસ્તુઓની માંગણી કરતી હતી.