વિરાટ કોહલી પછી રોહિત શર્મા નહિ, પરંતુ આ ખેલાડી સંભાળી શકે છે ટીમ ઇન્ડિયાની કમાન- જાડેજાએ આપ્યો ચોંકાવનારો જવાબ

IPL 2021 નો બીજો તબક્કો હાલમાં યુએઈ(UAE)માં રમાઈ રહ્યો છે. આ ટુર્નામેન્ટ હવે લગભગ તેના અંતિમ તબક્કામાં પહોંચી ગઈ છે, જ્યાં ચાર ટીમો ટ્રોફી માટે એકબીજાનો સામનો કરવા જઈ રહી છે. જણાવી દઈએ કે કેએલ રાહુલ(KL Rahul)ના નેતૃત્વમાં પંજાબ કિંગ્સ ફરી એક વખત આઈપીએલ પ્લેઓફ(Playoffs)માં પહોંચવામાં નિષ્ફળ રહી છે. જે બાદ તેના કેપ્ટન રાહુલની ભારે ટીકા થઈ છે.

જાડેજા રાહુલ પર થયા ગુસ્સે:
ભારતીય ટીમના પૂર્વ ક્રિકેટર અજય જાડેજા(Ajay Jadeja)નું કહેવું છે કે, પંજાબ કિંગ્સ(Punjab Kings)ના કેપ્ટન લોકેશ રાહુલમાં નેતૃત્વની ગુણવત્તાનો અભાવ છે. રાહુલના નેતૃત્વમાં પંજાબે 25 માંથી 14 મેચ જીતી છે. આઈપીએલની છેલ્લી બે સીઝનમાં ટીમ છઠ્ઠા સ્થાને રહી હતી. આ સિઝનમાં પણ તે લગભગ પ્લેઓફની રેસમાંથી બહાર થઈ ગઈ છે. પંજાબની ટીમ હાલમાં 10 પોઇન્ટ સાથે ટેબલમાં પાંચમા સ્થાને છે.

રાહુલમાં સારું લીડરશીપ નથી: જાડેજા
ક્રિકબઝ દ્વારા જાડેજાએ કહ્યું હતું કે, ‘જો તમે રાહુલને જુઓ તો તે છેલ્લા બે વર્ષથી ટીમનો કેપ્ટન છે. મેં ક્યારેય વિચાર્યું ન હતું કે તે લીડર છે. ટીમ ક્યારેય સારા કે ખરાબ તબક્કામાંથી પસાર થઈ નથી, અમે તેમની તરફ જોયું નથી. તમને લાગે છે કે રાહુલે આજે રમી રહેલી પંજાબ ટીમ અને તેમાં થયેલા ફેરફારો માટે શું કર્યું છે.

રાહુલ પાસે ભારતનો કેપ્ટન બનવાની હિંમત નથી:
જાડેજાએ કહ્યું, ‘કોઈપણ ભારતીય કેપ્ટન તેની ફિલસૂફીના આધારે બનાવવામાં આવે છે કારણ કે તે એક લીડર હોવો જોઈએ. મેં રાહુલમાં આ જોયું નથી કારણ કે તે હળવું બોલે છે અને દરેક બાબતમાં એડજસ્ટ થઈ જાય છે. જાડેજાએ કહ્યું કે રાહુલ મહેન્દ્ર સિંહ ધોનીની જેમ શાંત રહે છે પરંતુ પંજાબની કેપ્ટનશિપ કરતી વખતે તેણે પોતાના પર વધારે જવાબદારી લીધી નથી.

વિરાટ છોડશે કેપ્ટનશિપ:
ભારતીય ટીમના કેપ્ટન વિરાટ કોહલીએ તાજેતરમાં જ નક્કી કર્યું હતું કે તે આ વર્ષે ટી 20 વર્લ્ડકપ બાદ ભારતીય ટીમની કેપ્ટનશીપ છોડી દેશે. આવી સ્થિતિમાં ભારતને ટી 20 માં નવો કેપ્ટન મળશે. આ પદ માટે સૌથી મોટા દાવેદાર રોહિત શર્મા અને કેએલ રાહુલ છે. પરંતુ પસંદગીકારોની નજર રિષભ પંત પર પણ રહેશે કારણ કે તેણે આ વર્ષે IPL માં સારી કેપ્ટનશીપ કરી છે.

નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.