મોટા સમાચાર: IPL ના ઈતિહાસમાં પહેલી વખત એક જ સમયે બે મેચ સાથે રમાશે- BCCIએ કરી મોટી જાહેરાત

રમત-ગમત(Sports): બીસીસીઆઈએ મંગળવારે એક મોટી જાહેરાત કરી છે કે, IPL 2021 ના ​​ગ્રુપ સ્ટેજની બે છેલ્લી મેચો જે 8 ઓક્ટોબરે રમાવાની છે તે જ સમયે રમાશે. IPL 2021 નો ગ્રુપ સ્ટેજ મેચ 8 ઓક્ટોબરે સમાપ્ત થશે. SRH v MI અને RCB v DC નું એક જ દિવસે રમાવવાની છે. BCCIના શીડ્યુલ મુજબ, SRH v MI મેચ બપોરે 3.30 થી રમાવાની હતી, જ્યારે RCB v DC મેચ સાંજે 7.30 વાગ્યે રમવાની હતી. પરંતુ હવે BCCI એ મોટી જાહેરાત કરી છે કે, આ બંને મેચ સાંજે 7.30 વાગ્યાથી રમાશે. આઇપીએલના ઇતિહાસમાં આ પ્રથમ વખત હશે જ્યારે એક સાથે બે મેચ યોજાશે.

? NEWS ?: BCCI announces Tender of IPL Media Rights for 2023-2027 cycle

More Details ?https://t.co/AVUYyIQaZ2 pic.twitter.com/mosCNzmyGo

— BCCI (@BCCI) September 28, 2021

2023-2027 ચક્ર માટે IPL મીડિયા અધિકાર ટેન્ડરની જાહેરાત દરમિયાન BCCI દ્વારા આ વાત કહેવામાં આવી હતી. BCCI દ્વારા એક અખબારી યાદી અનુસાર, “IPL ના ઇતિહાસમાં પ્રથમ વખત, ‘VIVO IPL 2021’ પ્લેઓફ પહેલાની છેલ્લી બે લીગ મેચ એક સાથે એટલે કે એક જ સમયે રમાશે.”

સમયપત્રક મુજબ, છેલ્લી બે મેચમાંથી એકમાં, સનરાઇઝર્સ હૈદરાબાદનો સામનો મુંબઇ ઇન્ડિયન્સ સાથે અને બીજી મેચમાં રોયલ ચેલેન્જર્સ બેંગ્લોરનો સામનો દિલ્હી કેપિટલ્સ સામે થશે. તેમણે કહ્યું, “વર્તમાન સિઝનના લીગ તબક્કાના છેલ્લા દિવસે (08.10.2021) એક બપોરે મેચ અને એક સાંજે મેચ યોજવાને બદલે, બંને મેચ સાંજે 7.30 (ભારતીય સમય અનુસાર) થી એક સાથે રમાશે.”