ભારતીય રેલવે પરીક્ષા વગર આપશે અધધ આટલા લોકોને નોકરી, જાણો પગાર ધોરણ

IRCTC Recruitment 2023: શું તમે પણ રેલ્વે વિભાગમાં કામ કરવા માંગો છો, તો હવે તમે ભારતીય રેલ્વે વિભાગ (Indian Railway Department Job)માં ટુરિઝમ મોનિટરની પોસ્ટ (Tourism Monitor Post Job) પર તમારી ઉજ્જવળ કારકિર્દીની શરૂઆત કરી શકો છો. આ ટુરિઝમ મોનિટરની પોસ્ટ્સ પર ઇન્ટરવ્યુના આધારે પસંદગી મેળવવાની ઘણી મોટી તક છે. IRCTC ઉત્તર ઝોનમાં રેલવે ભરતી સેલ હેઠળ 14 TM નોકરી (IRCTC Recruitment 2023)ઓની ખાલી જગ્યાઓ માટે રસ ધરાવતા ઉમેદવારો પાસેથી અરજીઓ આમંત્રિત કરવામાં આવી રહી છે.

મહત્વનું છે કે, રસ ધરાવતા અને લાયક ઉમેદવારો કે જેઓ આ પોસ્ટ્સ (IRCTC ભરતી) માટે અરજી કરવા માંગે છે, તે લોકો IRCTCની સતાવાર વેબસાઇટ irctc.com પર જઈને અરજી કરી શકે છે. આ પોસ્ટ માટે 29 મે અથવા 30 મેના રોજ ઇન્ટરવ્યુ લેવામાં આવશે. જો તમે પણ આ પોસ્ટ્સ (IRCTC Bharti 2023) પર નોકરી (Sarkari Naukari) કરવા માંગો છો, તો આપેલ બધી બાબતો ધ્યાનથી વાંચવી ખુબ જ જરૂરી છે.

જાણો IRCTC ભરતી માટે શું છે શૈક્ષણિક લાયકાત:

વાત કરવામાં આવે તો ઉમેદવારો પાસે કોઈપણ માન્ય યુનિવર્સિટી અથવા સંસ્થામાંથી પ્રવાસનમાં 3 વર્ષની સ્નાતકની ડિગ્રી હોવી જોઈએ અથવા તો કોઈપણ પ્રવાહમાં 3 વર્ષની સ્નાતકની ડિગ્રી અને ટ્રાવેલ એન્ડ ટુરિઝમમાં 1 વર્ષનો ડિપ્લોમા હોવો જોઈએ. મહત્વનું છે કે, ઉમેદવારો પાસે કોઈપણ માન્ય સંસ્થા અથવા યુનિવર્સિટીમાંથી કોઈપણ પ્રવાહમાં સ્નાતકની ડિગ્રી હોવી જોઈએ. આ સાથે ટ્રાવેલ એન્ડ ટુરીઝમમાં 2 વર્ષની પોસ્ટ ગ્રેજ્યુએટ ડિગ્રી/ડિપ્લોમા હોવી જોઈએ.

જાણો IRCTC ભરતી માટે શું છે વય મર્યાદા:

જો વાત કરવામાં આવે તો ઉમેદવારો આ પદો માટે અરજી કરવા માગે છે, તે વ્યક્તિની ઉંમર 28 વર્ષની હોવી જોઈએ. સરકારની માર્ગદર્શિકા અનુસાર, SC/ST/OBC/PWD/ભૂતપૂર્વ સૈનિક ઉમેદવારોને ઉંમરમાં છૂટછાટ આપવામાં આવશે.