શું ઉંઘ ન આવવાના કારણે આવે છે ગુસ્સો? તો આજે જ જાણો કેટલીક મહત્વની ટિપ્સ

આરોગ્ય નિષ્ણાતે તંદુરસ્ત રહેવા માટે દરરોજ 8 થી 9 કલાકની ઉંઘ  લેવાની ભલામણ કરે છે. પરંતુ અનિદ્રા અથવા તણાવ વગેરેને કારણે વ્યક્તિને ઉંઘની અછતનો સામનો કરવો પડે છે.ઉંઘના અભાવને કારણે તમારો મૂડ સૌથી પહેલા પ્રભાવિત થાય છે. જેના કારણે તમે ચીડિયા અને ગુસ્સે થવા લાગો છો.

ઉઘની ઉણપથી થતી ચીડિયાપણું અને ગુસ્સો તમારા માનસિક સ્વાસ્થ્ય તેમજ અન્ય લોકો માટે હાનિકારક બની શકે છે. ઉપરાંત, તે તમારા ઘણા સંબંધોને બગાડી શકે છે.ઉઘની ઉણપને કારણે ગુસ્સો અને ચીડિયાપણું દૂર કરવાની ચાલો આપણે ટિપ્સ જાણીએ.

ઉંઘની અછતને કારણે જે ગુસ્સો આવે છે તેને સુધારવા માટે, તમારે પહેલા પુરી ઉંઘ લેવી જોઈએ. પ્રયત્ન કરો કે તમે થોડો સમય સૂઈ શકો, જેથી તમારો મૂડ સારો થઈ શકે.

જો તમે તણાવને કારણે ઉંઘી શકતા નથી, તો તમારે નિષ્ણાતની સલાહ લીધા પછી કેટલીક પદ્ધતિઓ અપનાવવી જોઈએ. જેમ કે ધ્યાન અથવા ઉંઘ ની ટેવ સુધારવી. જેથી તમને દરરોજ 8 થી 9 કલાકની ઉઘ મળી શકે.