મોટી સફળતા: જમ્મુ-કાશ્મીરના અનંતનાગમાં “હિઝબુલ મુજાહિદ્દીન”ના કમાન્ડર સહિત 3 આતંકી ઠાર

જમ્મુ કાશ્મીરના અનંતનાગમાં આતંકવાદીઓનો સફાયો કરવામાં સેના અને પોલીસને સતત સફળતા મળી રહી છે. સોમવારે અનંતનાગ જિલ્લાના ખુલ્ચોહર વિસ્તારમાં સુરક્ષા દળોએ 3 આતંકવાદીઓને ઠાર કર્યા હતા. જમ્મુ-કાશ્મીરના ડીજીપી દિલબાગસિંહે જણાવ્યું હતું કે, માર્યા ગયેલા આતંકીઓમાં લશ્કર-એ-તૈયબાના જિલ્લા કમાન્ડર અને હિઝબુલ મુજાહિદ્દીન કમાન્ડર અને મસુદ શામેલ છે. ડીજીપીએ કહ્યું કે, જમ્મુ ઝોનનો ડુડા જીલ્લો ફરી એકવાર આતંકવાદ મુક્ત બન્યો છે.

With today’s operation at Khull Chohar by Anantnag Police along with 19 RR,CRPF in which 2 LET terrorists including one district commander & one HM commander Masood were neutralised, Doda district in Jammu Zone becomes totally militancy free
once again.@Sandeep_IPS_JKP pic.twitter.com/sCvioo2f3X

— J&K Police (@JmuKmrPolice) June 29, 2020

મસૂદ ડોડા જિલ્લાનો છેલ્લો આતંકવાદી હતો. તે ડોડામાં બળાત્કારના કેસમાં સંડોવાયેલો હતો. તે ઘટના બાદ તે છટકી ગયો હતો. બાદમાં હિઝબુલ મુજાહિદ્દીનમાં જોડાયો અને કાશ્મીરથી આતંકી પ્રવૃત્તિઓ કરી રહ્યો હતો. ખુલ્ચોહર એન્કાઉન્ટરમાં માર્યા ગયેલા આતંકવાદીઓની એકે-47 રાઇફલ અને 2 પિસ્તોલ પણ મળી આવી છે. રવિવારે રાત્રે 11 વાગ્યે સુરક્ષા દળ દ્વારા સર્ચ ઓપરેશન શરૂ કરાયું હતું. સોમવારે સવારે 4 વાગ્યે એન્કાઉન્ટર શરૂ થયું હતું. જુનના રોજ 13 મુઠભેડમાં 41 આતંકવાદી ઠાર માર્યા છે.

આ ઘાટીમાં આ ત્રણ આતંકવાદીના મોત સાથે અત્યાર સુધી આતંકવાદીઓની સત્તાવાર સંખ્યા 116 થઇ ગઇ છે, જેમાં અત્યાર સુધી તમામ વિભિન્ન આતંકવાદી સંગઠનોના 7 ઓપરેશન કમાંડર સામેલ છે. ફક્ત જૂન 13મી મુઠભેડ છે જેમાં સુરક્ષાબળોએ ઘાટીમાં 40થી વધુ આતંકવાદીને ઠાર માર્યા છે.