નવા વર્ષની શરૂઆતમાં જ Jio એ પોતાના ગ્રાહકોને આપી જબરદસ્ત ભેટ -હવેથી મફતમાં મળશે આ સુવિધા

નવાં વર્ષની શરૂઆતમાં જ હાલમાં એક આનંદનાં સમાચાર સામે આવી રહ્યાં છે. ટેલીકોમ કંપની રિલાયન્સ જિઓ દ્વારા ફરી એકવાર વોઇસ કૉલને બિલકુલ ફ્રી કરવા માટે જઇ રહ્યું છે. જિયો સબ્સક્રાઇબર્સ 1 જાન્યુઆરી વર્ષ 2021થી પોતાના ફોનમાંથી ફ્રી વોઇસ કૉલ કરી શકશે.

આવાં પ્રકારની સર્વિસ પર ઇન્ટરકનેક્ટ યૂસેઝ ચાર્જ પૂર્ણ થઈ ગયો છે. રિલાયન્સ જિયોએ ગુરૂવારે જાણ કરવામાં આવી છે. કંપનીએ નિવેદન જાહેર કરીને જણાવવામાં આવ્યું છે કે, ઑફ નેટ ડૉમેસ્ટિક કૉલ્સને બિલકુલ ફ્રી માં કરવાની પ્રતિબદ્ધતાનું સન્માન કરવામાં આવશે. IUC ચાર્જેઝ પૂર્ણ થઈ ગયા પછી ડૉમેસ્ટિક વોઇસ કૉલ્સ ફ્રી કરી દેવામાં આવશે.

જિયોની જાહેરાત પછી ભારતી એરટેલના શેરમાં ઘટાડો :
1 જાન્યુઆરી વર્ષ 2021થી ફરીવખત કૉલ્સ ફ્રી કરી દેવામાં આવશે. જિયોને લઇ આ સમાચાર પછી અન્ય ટેલિકોમ કંપની ભારતી એરટેલના શેરમાં કુલ 2% થી પણ વધુનો ઘટાડો જોવા મળ્યો છે. આ જાહેરાત પછી નવા વર્ષથી કોઈ પણ નેટવર્ક પર કૉલ કરવા માટે ગ્રાહકોને પૈસા આપવાના રહેશે નહિ. આ સુવિધા સમગ્ર દેશના કોઈપણ વિસ્તાર માટે હશે. હાલમાં ગ્રાહકોને ઑફ નેટ વોઇસ કૉલ માટે પૈસા ખર્ચ કરવા પડે છે.

VoLTE નો લાભ ભારતીયો સુધી પહોંચાડવા માટે જિયો પ્રતિબદ્ધ :
અહીં નોંધનીય છે કે, સપ્ટેમ્બર વર્ષ 2019માં ટેલિકોમ રેગ્યુલેટરી ઑથોરિટી ઑફ ઇન્ડિયા દ્વારા ‘મોબાઇલ ટૂ મોબાઇલ’ કૉલ્સ માટે જાન્યુઆરી વર્ષ 2020થી આગળ સુધી વધારી દેવામાં આવ્યું હતુ. ત્યારપછી જિયોએ પોતાના ગ્રાહકો પાસેથી ઑફ નેટ વોઇસ કૉલ માટે ચાર્જ વસૂલવાની શરૂઆત કરી હતી.