દિવસમાં માત્ર અડધો કલાક બંધ રાખી જોવો સ્માર્ટફોન, થશે આટલા બધા ચમત્કારી ફાયદા

શું તમે પણ સ્માર્ટફોનનો ઉપયોગ કરી રહ્યા છો? તો તમારે તેના વિશે થતા ફાયદા અને નુકશાન વિશે અવશ્ય જાણવું જોઈએ. સતત એક ધારું સ્માર્ટફોનની સામે જોઈ રહેવાથી તમારી આંખોને ઘણું બધું નુકશાન પહોંચી શકે છે. તે ઉપરાંત તમે અંધ પણ બની શકો છો. તેનાથી બચવા માટે આજે અમે તમને દિવસના માત્ર અડધો કલાક જ સ્માર્ટ ફોન બંધ રાખવાથી થતા ફાયદા વિશે જણાવવા જઈ રહ્યા છીએ.

સ્માર્ટફોન આપણા જીવનનો એક અભિન્ન અંગ બની ગયો છે. યૂઝર્સ પોતાના સ્માર્ટફોનને પોતાનાથી બે મીનિટ પણ દૂર રાખતા નથી. પરંતુ એક્સેલિઓન કંપનીના સીઈઓ યોર્ગન એડહોલ્મે દિવસમાં રોજ ઓછામાં ઓછી 30 મીનિટ સ્માર્ટફોનને બંધ રાખવાની સલાહ આપી છે.એક્સેલિઓન કંપની મોબાઈલ માટે સિક્યોર ફાઈલ શેયરિંગનું કામ કરે છે. દિવસમાં 30 મીનિટ માટે ફોન બંધ રાખવા માટે યોર્ગને ધણા બધા ફાયદાઓ બતાવ્યા છે. તેમનું કહેવું છે કે, સ્માર્ટફોનથી હેલ્થ પર પણ અસર પડતી હોય છે. તે ઉપરાંત કેટલાક હેલ્થ એક્સપર્ટનું પણ આવું જ કહેવું છે. સ્માર્ટફોનને બંધ કરવાથી અથવા તેને હાઈબર્નેટ મોડ પર રાખવાથી બેટરી પર અસર પડે છે. આવું કરવાથી એપ્સ બંધ થઈ જાય છે, જેના કારણે તેની બેટરીની લાઈફ વધી જશે.