યુવતીની છેડતી કરી બીભત્સ માંગણી કરનાર શિક્ષકને જાહેરમાં જ મારી મારીને ભૂત બનાવી દીધો- જુઓ વિડીયો

ખેડા(ગુજરાત): આજના કળયુગી સમયમાં શારીરિક છેડતી અને દુષ્કર્મના કિસ્સા સતત સામે આવી રહ્યા છે. આ દરમિયાન, ખેડા જિલ્લાના કપડવંજ ખાતે એક કિશોરીની છેડતી થઇ હોવાનો બનાવ સામે આવ્યો છે. આ અંગે મળેલી માહિતી મુજબ, હજી સુધી કોઈ ફરિયાદ થઈ નથી. આ ઘટનાનો વીડિયો હાલ ખૂબ જ વાયરલ થઈ રહ્યો છે. જેમાં પીડિત યુવતી સહિત અન્ય લોકો છેડતી કરનાર શખ્સની ધોલાઈ કરતા જોવા મળે છે.

હાલ આ બનાવની સમગ્ર શહેરમાં ખૂબ ચર્ચા જાગી છે. મળતી માહિતી મુજબ, જિલ્લાના કપડવંજમાં એક યુવતીની છેડતી કરીને એક શખ્સ દ્વારા તેની પાસે બીભત્સ માંગણી કરવામાં આવી હતી. ત્યારબાદ લોકોએ આ વ્યક્તિને પકડીને મેથીપાક ચખાડ્યો હતો. છેડતી કરનાર વ્યક્તિ કપડવંજની એમ.પી. હાઈસ્કૂલનો શિક્ષક હોવાનું સામે આવ્યું છે. જોકે, આ મામલે કોઈ પુષ્ટિ થઈ શકી નથી.

આ ઉપરાંત, કમનસીબે આ ઘટના અંગે કોઈ જ ફરિયાદ પણ કરવામાં આવી નથી. આ અંગે વાયરલ થયેલા વીડિયોમાં જોઈ શકાય છે કે, લોકો ટોળે વળ્યાં છે.  આ ઉપરાંત એક યુવતી આ શખ્સને ફટકારી રહી છે. બીજી એક વીડિયોમાં આરોપીનું જાણે કે સરઘષ કાઢવામાં આવ્યું હોય તેમ લોકો સાથે તેને રસ્તા પર જતો જોઈ શકાય છે.