આ 5 ફેરફાર જણાય તો તુરંત બદલો જૂની બ્રા

યુવતીઓ ફેશન અનુસાર કપડા પહેરવાનો આગ્રહ રાખે છે. વર્તમાન સમયમાં તે જરૂરી પણ છે, એટલા માટે જ તો થોડા થોડા સમયે તે જીન્સ, ટીશર્ટ, શર્ટ, શોર્ટસ વગેરે જેવા કપડાને નવા કપડાથી રિપ્લેસ કરી દેતી હોય છે. પરંતુ એક વસ્તુ છે જેને રિપ્લેસ કરવી જરૂરી તો હોય છે પરંતુ તેના પર ખાસ ધ્યાન આપવામાં આવતું નથી. જી હાં અહીં વાત થાય છે લોન્જરીની, લોન્જરીને પણ સમયે સમયે બદલવી જરૂરી હોય છે.

કેટલીક મહિલાઓને આદત હોય છે કે તેમને ફાવતી હોય કે નહીં પરંતુ તેઓ બ્રા મહિનાઓ સુધી રિપ્લેસ કરતી નથી. પરંતુ દરેક મહિલાએ ખાસ ધ્યાન રાખવું જોઈએ કે જ્યારે તેની બ્રામાં આ 5 ફેરફાર જણાય તો તેને તુરંત બદલી દેવી જોઈએ અને યોગ્ય સાઈઝ અને ફીટિંગવાળી બ્રા પહેરવી જોઈએ.

1. નિયમિત રીતે મશીનમાં ધોવાથી, જ્યાં ત્યાં મુકી દેવાથી બ્રાનો શેપ ધીરે ધીરે ખરાબ થવા લાગે છે. શેપ ખરાબ થઈ જવાથી બ્રાના સ્ટ્રેપ્સ સમસ્યા સર્જે છે. તેના વાયર કે રબ્બર શરીર પર ટાઈટ થઈ જાય છે જેથી કંફર્ટ રહેતું નથી. આવી બ્રા પહેરવાનું ટાળવું જોઈએ.