શિખરના રેકોર્ડ શિખર પર: કોહલી, ધોનીથી લઈને ગાંગુલીને પાછળ છોડી એક જ મેચમાં બનાવ્યા છ રેકોર્ડ

હાલમાં શિખર ધવનના 86 રન શ્રીલંકાને એકતરફી રીતે હરાવવામાં મદદરૂપ બન્યા અને તેની સાથે જ ભારતે ત્રણ મેચની સિરીઝમાં 1-0ની લીડ મેળવી લીધી છે. શ્રીલંકા સામેની આ જીતનું મહત્વ એટલા માટે વધારે છે કે, ભારતની યુવા ટીમે શ્રીલંકાને તેમના જ ઘરમાં એકતરફી રીતે હરાવી દીધું છે. રાહુલ દ્રવિડની કોચીંગમાં આ ટીમ આ રીતે જ સદંતર સારું પ્રદર્શન કરશે તેવી આશા છે.

– શિખર ધવને શ્રીલંકાની સામે સૌથી ઓછી મેચમાં 1000 રન પૂરા કરવાનો રેકોર્ડ પોતાના નામે કરી દીધો છે. પ્રથમ મેચમાં હાશિમ અમલાના 18 મેચમાં 1000 રનના રેકોર્ડને તોડીને શિખરે માત્ર 17 મેચમાં જ શ્રીલંકા સામે 1000 રન પૂરા કરી લીધા હતા.

– શિખર ધવનના આંતરરાષ્ટ્રીય ક્રિકેટમાં 10 હજાર રન પૂર્ણ થયા છે. તેની સાથે જ આંતરરાષ્ટ્રીય ક્રિકેટમાં 10 હજાર રન પૂરા કરનારો ધવન 14મો ભારતીય ખેલાડી બન્યો. હાલ સચિન 34357 રન સાથે પ્રથમ સ્થાને છે.

– કેપ્ટનશિપની પ્રથમ મેચમાં જ સૌથી વધુ રન બનાવનારા ભારતીય ખેલાડીઓમાં ધવન બીજા નંબરે આવી ગયો છે. પ્રથમ સ્થાને સચિન તેંડુલકર છે. સચિને પણ શ્રીલંકા સામે જ 110 રન બનાવ્યા હતા. જ્યારે ધવન 86 રન સાથે બીજા ક્રમાંકે છે.