એમ્બ્યુલન્સ ન મળતા ગર્ભવતી મહિલાને ખાટલે સુવડાવી હોસ્પિટલ પહોચાડી પણ સારવાર ન મળતા થયું માતા અને નવજાતનું કરુણ મોત

તંત્રની બેદરકારીથી કોઈ સામાન્ય નાગરિકનું મોત થવું એ સામાન્ય વાત બની ચુકી છે. ઘણી ઘટનાઓ સામે આવી ચુકી છે જેમાં સરકાર કે તંત્રની બેદરકારીને કારણે લોકોને જીવ ગુમાવવાનો વારો આવ્યો હોય. હાલ એક આરોગ્ય સેવાઓનો પર્દાફાશ અને અસહાય આરોગ્ય પ્રણાલીનો પર્દાફાશ કરતો કિસ્સો બહાર આવ્યો હતો. જેમાં સમયસર સારવારના અભાવે મહિલા અને તેના નવજાત શિશુનું કરુણ મૃત્યુ નીપજ્યું હતું. જે બાળકની આંખ આ કલયુગી દુનિયામાં હજુ ખુલે ત્યાં તો ગર્ભમાં જ તેનું મોત થયું હતું. આ ઘટના બનતા લોકોમાં ચર્ચનો વિષય બન્યો હતો.

સુનિલ નામના વ્યક્તિની પત્ની ગર્ભવતી હતી અને તે દરમિયાન તેને પીડા શરુ થઈ હતી. પરંતુ આરોગ્યની યોગ્ય વ્યવસ્થા ન હોવાને કારણે સુરજીના પરિવારજનો તેને પગપાળા કોમ્યુનિટી હેલ્થ સેન્ટર લઈ આવ્યા હતા. અહીં આરોગ્ય તંત્ર સંપૂર્ણ ક્ષીણ થઈ ગયું.

જ્યારે સુરજીને હોસ્પિટલમાં લાવવામાં આવી ત્યારે અહીં એક પણ ડોક્ટર હાજર ન હતો. અને સારવારના અભાવને લીધે મહિલા અને નવજાતનું મોત હોસ્પિટલના ગેટ પાસે જ થયું હતું. સુરજી જે ગામમાં રહે છે ત્યાં કોઈ અવરજવર ન હોવાના કારણે પરિવારજનો તેને ખાટલા પર હોસ્પિટલમાં લઈ ગયા હતાં. અને તેણે બાળકને જન્મ આપ્યો હતો.