લેડી સિંઘમ IPS પ્રીતિ ચંદ્રા અને પતિ વિકાસ પાઠક એકસાથે DIG બન્યા, ઘણી રસપ્રદ છે તેમની પ્રેમ કહાની

લેડી સિંઘમ તરીકે પ્રખ્યાત IPS પ્રીતિ ચંદ્રાનું પત્રકારત્વથી લઈને આઈપીએસ બનવા સુધીની સફર ખુબ જ અદ્ભુત રહી છે. આ પ્રવાસમાં, તેઓ લાલ બહાદુર શાસ્ત્રી નેશનલ એકેડેમી ઓફ એડમિનિસ્ટ્રેશન (LBSNAA), મસૂરી ખાતે આઈપીએસ ડૉ. વિકાસ પાઠકને મળ્યા. બંનેની મિત્રતા ક્યારે પ્રેમમાં પરિણમી તે ખબર નથી. IPS પ્રીતિ ચંદ્રા રાજસ્થાનના સીકર અને વિકાસ પાઠક યુપીના છે. બંને મસૂરીમાં ટ્રેનિંગમાં અને હૈદરાબાદમાં ટ્રેનિંગમાં વ્યસ્ત થઈ ગયા. હવે બંને પતિ-પત્ની છે અને સાથે જ ડીઆઈજી બન્યા છે.

રાજસ્થાનના સીકર જિલ્લાના કુંદન ગામમાં પ્રીતિનો જન્મ 1979માં થયો હતો અને ઉત્તર પ્રદેશના બસ્તીમાં વિકાસ પાઠકનો જન્મ 1981માં થયો હતો. પ્રીતિ ચંદ્રાએ એમએ અને એમફીલ અને વિકાસ પાઠકે એમબીબીએસની ડિગ્રી મેળવી. આઈપીએસ પ્રીતિ ચંદ્રાનું દસમા સુધીનું શિક્ષણ ગામની સરકારી શાળામાંથી થયું હતું. તેમણે જયપુરની મહારાણી કોલેજમાંથી એમએ કર્યું. પછી બી.એડ ની ડીગ્રી પણ લીધી અને જયપુર થી પત્રકારત્વ શરુ કર્યું.

કોચિંગ વિના પત્રકારત્વ દરમિયાન યુપીએસસી ક્રેક કર્યું
પ્રીતિ ચંદ્રાએ 2008માં પત્રકારત્વ દરમિયાન યુપીએસસી 2008ની તૈયારી શરૂ કરી હતી અને કોઈપણ કોચિંગ વિના પહેલા જ પ્રયાસમાં 255મો રેન્ક મેળવ્યો હતો. યુપીના ડો. વિકાસ પાઠકે પણ યુપીએસસીની પરીક્ષા પાસ કરી હતી. બંને પ્રારંભિક તાલીમ માટે મસૂરીમાં લાલ બહાદુર શાસ્ત્રી નેશનલ એકેડમી ઑફ એડમિનિસ્ટ્રેશન પહોંચ્યા. ટ્રેનિંગ દરમિયાન પ્રીતિના પિતા રામચંદ્ર સુંદા તેની માતા અને ભાઈ ચંદ્રાને મળવા ગયા હતા. ત્યારબાદ પ્રીતિએ પરિવારના સભ્યોને વિકાસ પાઠકને મિત્ર તરીકે ઓળખાવ્યો હતો.

હૈદરાબાદમાં ટ્રેનિંગ દરમિયાન થઈ બંનેની સગાઈ
IPS બન્યા પછી પ્રીતિના લગ્ન માટે સંબંધો આવવા લાગ્યા. જ્યારે તેના માતા-પિતાએ પૂછ્યું તો પ્રીતિએ કહ્યું કે તે IPS વિકાસ પાઠકને પસંદ કરે છે જેને તે મસૂરીમાં મળ્યા હતા. દરમિયાન મસૂરીના વિકાસ પાઠક અને પ્રીતિ ચંદ્રા ટ્રેનિંગ માટે હૈદરાબાદ ગયા હતા. ત્યાં બંનેના પરિવારજનો તેમને મળવા આવ્યા હતા અને ત્યાં તેમના સંબંધો નક્કી કર્યા હતા.