પોલીસની ગાડીમાંથી જ ચાલતો હતો દારૂનો વેપાર- પોલીસે જ ઝડપ્યો 504 બોટલ દારૂ

એક તરફ કહેવાય છે કે ગુજરાતમાં દારૂબંધી છે અને બીજી તરફ લોકો બે-બે મોઠે દારૂ પી રહ્યા છે તેવી ઘણી ઘટનાઓ સામે આવતી રહી છે. ગુજરાત રાજ્યમાં દારૂ બંધીની વાતો માત્ર કાગળ પર જ હોય તેવુ લાગી રહ્યું છે. રાજ્યમાં દારૂ આવતો રોકવા જે પોલીસને જવાબદારી સોપય છે તેની જ ગાડીમાંથી જો દારૂ મળે તો કેવું લાગે? આવી જ એક ઘટના મહિસાગરમાં સામે આવી છે. મહિસાગરના પ્રતાપપુરા સર્કલ પાસેથી પોલીસની જીપમાંથી વિદેશી દારૂ મળી આવ્યો હતો.

રાજસ્થાનથી લાલ લાઇટવાળી સરકારી પોલીસ વાહનમાં ભારતીય બનાવટનો દારૂ ભરીને લુણાવાડાનો એમ.પી.શાખાનો પોલીસ કર્મચારી સંતરામપુર વિસ્તારમાંથી પસાર થતાં સંતરામપુર પોલીસે પકડી પાડયો હતો. પોલીસે પોલીસની ગાડીમાંથી 1.35 લાખનો દારૂ કબજે કરીને પોલીસ કર્મી વીરુદ્ધ સંતરામપુર પોલીસ સ્ટેશનમાં પ્રોહિનો ગુનો નોધીને કાર્યવાહી કરી હતી. પોલીસ કર્મી દારૂ સાથે પકડતાં પોલીસ તંત્રમાં ખળભળાળ મચી ગયો હતો.

હમેંશા પોલીસે ગાડીમાં દારૂ સાથે બુટલેગરોને પકડી પાડવાની અનેક ઘટનાઓ બની છે. પણ પોલીસ કર્મી પોલીસની ગાડીમાં દારૂની હેરાફેરી કરતો હોવાના બનાવ સંતરામપુર પોલીસ સ્ટેશનના વિસ્તારમાં બન્યો છે. પોલીસ કર્મી સરકારી લાલ લાઇટવાળી પોલીસની ગાડીમાં બિન્દાસપણે દારૂની હેરાફેરી કરતાં સંતરામપુર પોલીસે પકડી પાડયો હતો.જે પોલીસ દારૂબંધીની કડક અમલવારી કરે છે તે જ પોલીસ કર્મી દારૂની હેરાફેરી કરતો ઝડપાય ત્યારે સૌ કોઇ આશ્ચય ચકિત થઇ ગયા હતા.

મહિસાગરના લુણાવાડાના જુની પોલીસ લાઇનના બ્લોક નં-4 માં રહેતો અને એમ.પી.શાખામાં પોલીસ ચાલક તરીકે ફરજ બજાવતો નીતીનકુમાર નારસિંગભાઇ પારગી લાલ લાઇટવાળી સરકારી પોલીસની ગાડી લઇને રાજસ્થાનના આંણદપુરી ગામે પહોચ્યો હતો. નિતીને આંણદપુરીગામમાં ચોકીદાણી હોટલ ચલાવતો યુવરાજસિંહ ઉર્ફે ઋતુરાજ ચૌહાણને ત્યાંથી સરકારી પોલીસ વાહનમાં 28 પેટી દારૂ ભરીને સંતરામપુર તરફ આવતો હતો. તે દરમિયાન સંતરામપુરના પ્રતાપપુરા સર્કલ પાસે સંતરામપુરની પોલીસ નાકાબંધી કરીને પ્રોહિ ચેકીંગ કરી રહી હતી. ત્યારે લાલ લાઇટવાળી સરકારી પોલીસની ગાડી આવતાં પોલીસે તેને રોકી હતી.