ગેસ સિલિન્ડરના ભાવમાં મસમોટો વધારો: આટલા રૂપિયા મોંઘો થયો ગેસનો બાટલો

કોરોના વાયરસ રોગચાળા વચ્ચે અનલોક 1 આજથી શરૂ થઈ ગયું છે. પરંતુ આ દરમિયાન એલપીજીના ભાવમાં પણ વધારો થયો છે. તમામ ગેસ વિતરણ કંપનીઓએ એલપીજી ગેસ સિલિન્ડરના ભાવમાં વધારો કરવાનો નિર્ણય લીધો છે. વર્તમાન વધારો તાત્કાલિક અસરથી લાગુ કરવામાં આવ્યો છે.

ઓઇલ માર્કેટિંગ કંપનીઓ એ બિન સબસિડીવાળા એલપીજી ગેસ સિલિન્ડરની કિંમતોમાં વધારો કરવાની જાહેરાત કરી છે. દિલ્હીમાં 14.2 કિલોગ્રામ વાળા સબ્સિડી વગરના એલપીજી સિલિન્ડરનો ભાવ 11.50 રૂપિયા પ્રતિ સિલિન્ડર મોંઘો થઈ ગયો છે. હવે નવા ભાવ વધીને રૂપિયા 593 થયા છે.  અન્ય શહેરોમાં પણ ઘરેલુ એલપીજી સિલિન્ડરના ભાવ આજથી વધારી દેવામાં આવ્યા છે. તે કોલકાતામાં 31.50 રૂપિયા, મુંબઇમાં 11.50 રૂપિયા અને ચેન્નાઇમાં 37 રૂપિયા ભાવ વધારો થયો છે. બીજી તરફ 19 કિલોગ્રામ વાળા સિલિન્ડરનો ભાવ 110 રૂપિયા વધીને 1139.50 રૂપિયા થઈ ગયો છે.

Prices of non-subsidised 14 kg Indane gas in metros, applicable from today: In Delhi price rises to Rs 593.00 (increase by Rs 11.50/cylinder), in Kolkata – Rs 616.00 (increase by Rs 31.50), in Mumbai – Rs 590.50 (increase by Rs 11.50), in Chennai – Rs 606.50 (increase by Rs 37). pic.twitter.com/wn4hO4h8Rv

— ANI (@ANI) June 1, 2020

મળતી વિગતો અનુસાર, કોલકાતામાં 616.00 રૂપિયા, મુંબઈમાં 590.50 રૂપિયા અને ચેન્નઈમાં 606.50 રૂપિયા ભાવ થઈ ગયો છે જે ક્રમશઃ 584.50 રૂપિયા, 579.00 રૂપિયા અને 569.50 રૂપિયા હતો.