ન તો સારવાર મળી, ન તો મૃત્યુ પછી શબવાહિની… માતાના મૃતદેહને ટુવ્હીલર પર લઇ જવા મજબુર બન્યો દીકરો

‘એમપી અજબ હૈ..’ આ કહેવત એવી રીતે કહેવાતી નથી. કહેવા માટે અહીંના રસ્તા અમેરિકા જેવા છે, શહેરો સ્માર્ટ બની ગયા છે અને આખા રાજ્યમાં આરોગ્યની સુવિધાઓ સારી છે. પરંતુ દર્દીના મૃત્યુ બાદ મૃતદેહને ઘરે લઇ જવા માટે પણ એમ્બ્યુલન્સ કે શબવાહિની મળતી નથી. તાજેતરનો મામલો મધ્યપ્રદેશ(Madhya Pradesh)ના શહડોલ(Shahdol)થી સામે આવ્યો છે. શહડોલ મેડિકલ કોલેજમાં રવિવારે એક મહિલાના મોત બાદ જિલ્લા હોસ્પિટલે મૃતકના પરિવારજનોને મૃતદેહ ઘરે લઈ જવા માટે એક શબવાહિની પણ મળી ન હતી. આ પછી, પુત્રોએ માતાના મૃતદેહને લાકડાની પટરી પર બાંધીને બાઇક દ્વારા 80 કિમી દૂર શાહડોલ જિલ્લાથી પડોશી અનુપપુર જિલ્લામાં માતાના મૃતદેહને તેમના ઘરે લઈ જવો પડ્યો હતો.

किसी भी राज्य में मंत्रिमंडल क्यों हो,अगर हां तो तस्वीर क्यों नहीं बदलती ये शहडोल का छोटा अस्पताल नहीं मेडिकल कॉलेज हैं बेटे अपनी मां का शव बाइक पर ले जा रहे हैं @ChouhanShivraj इसके बाद भी स्वास्थ्य मंत्री के तर्क हो सकते हैं! आपलोग सिर्फ चुनाव विभाग रखें जो काम साल भर करते हैं pic.twitter.com/NJ9NvoWDsv

— Anurag Dwary (@Anurag_Dwary) August 1, 2022

મજબૂર પુત્રોએ જણાવ્યું કે ન તો હોસ્પિટલમાં સારવાર મળી અને ન તો મૃત્યુ બાદ શબવાહિની આપવામાં આવ્યો. ખાનગી શબવાહિની વાળા વ્યક્તિએ 5 હજાર રૂપિયા માંગ્યા હતા, પરંતુ સંબંધીઓ પાસે એટલા પૈસા નહોતા. આખરે પુત્રોએ માતાના મૃતદેહને બાઇક પર ઘરે લઇ જવાનું યોગ્ય માન્યું. મૃતક મહિલાના પુત્રોનો આરોપ છે કે તેઓ અનુપપુર જિલ્લામાંથી તેમની માતાની સારવાર માટે શહડોલ મેડિકલ કોલેજ આવ્યા હતા, પરંતુ અહીં યોગ્ય સારવારના અભાવે તેમની માતાનું મૃત્યુ થયું હતું. આ પછી તેને શબવાહિની જોઈતી હતી, જે માંગણી પર પણ હોસ્પિટલે પૂરી પાડી ન હતી. આ પછી પુત્રોએ 100 રૂપિયાની લાકડીની પટરી અને તેની ઉપર મૃતદેહ બાંધ્યો અને બાઇક દ્વારા 80 કિમીનો પ્રવાસ કરીને અનુપપુર જિલ્લાના ગામ ગુડારુ પહોંચ્યા.

સારવાર ના મળી કે ના મળી શબવાહિની:
અનુપપુરના ગુડારુ ગામના રહેવાસી જયમંત્રી યાદવને છાતીમાં દુખાવાને કારણે પુત્રોએ જિલ્લા હોસ્પિટલ શાહડોલમાં દાખલ કર્યા હતા. જ્યાં તબિયત બગડતાં તેને મેડિકલ કોલેજમાં રીફર કરવામાં આવ્યો હતો. સારવાર દરમિયાન મોડી રાત્રે તેનું મોત નીપજ્યું હતું. મૃતકના પુત્ર સુંદર યાદવે માતાના મૃત્યુ માટે મેડિકલ હોસ્પિટલ મેનેજમેન્ટને જવાબદાર ઠેરવ્યું છે અને જિલ્લા હોસ્પિટલની નર્સો પર સારવારની બેદરકારીનો આરોપ લગાવ્યો છે.