કોંગી ધારાસભ્યે અધિકારીને કીચડથી નવડાવ્યો- વાંચો વિગતવાર

તાજેતરમાં જ મધ્ય પ્રદેશના ઈન્દોરમાં નગરપાલિકાના અધિકારીને બેટથી મારનારા ભાજપના ધારાસભ્ય આકાશ વિજયવર્ગીયનો વિવાદ હજુ ચાલી જ રહ્યો છે, ત્યા તો મહારાષ્ટ્રના સિંધુદુર્ગમાં કોંગ્રેસના ધારાસભ્ય નીતેશ રાણેએ એક એન્જિનિયર સાથે ખરાબ વર્તન કરીને ગાળો આપી છે. તમે વીડિયોમાં જોઇ શકો છો કે નીતેશના સમર્થકો બાલટી ભરીને કાદવ અને ગંદુ પાણી લાવ્યાં છે અને એન્જિનિયર પર ફેંકીને તેને ધમકાવી રહ્યાં છે. અને તેને પુલ સાથે બાંધવાનો પ્રયાસ પણ કર્યો હતો.

નીતેશ મહારાષ્ટ્રનાં પૂર્વ મુખ્યપ્રધાન નારાયણ રાણેના પુત્ર છે. નીતેશ રાણે કણકવલી નજીક આવેલા હાઈવેની મુલાકાતે ગયા હતા અને કોઇ કારણસર ગુસ્સે ભરાયા હતા.એન્જિનિયર પ્રકાહ શેડકરને ત્યાં બોલાવીને તેને ગાળો આપી હતી અને અપમાનિત કર્યાં હતા.

#WATCH: Congress MLA Nitesh Narayan Rane and his supporters throw mud on engineer Prakash Shedekar at a bridge near Mumbai-Goa highway in Kankavali, when they were inspecting the potholes-ridden highway. They later tied him to the bridge over the river. pic.twitter.com/B1XJZ6Yu6z

— ANI (@ANI) July 4, 2019

નવાઇની વાત તો એ છે આવા કૃત્ય સામે શરમાવવાને બદલે નીતેશ રાણેએ વીડિયો બનાવીને ફેસબુક પેજ પર શેર કર્યો હતો, ઘટના બાદ કોંગ્રેસ ધારાસભ્ય નિતેશ રાણે વિરૂદ્ધ સિંધુદુર્ગ જીલ્લાનાં કુડાલ પોલીસ સ્ટેશનમાં ફરિયાદ થતા રાણેની ધરપકડ કરવામાં આવી હતી, સાથે જ તેમના 50 સમર્થકો સામે પણ પોલીસ ફરિયાદ થઇ છે.