… તો ધોની આજે સાંજે ૭ વાગ્યે ક્રિકેટમાંથી નિવૃત્તિ લઇ લશે? જાણો આજે ધોની શું જાહેરાત કરનાર છે

ક્રિકેટ વર્લ્ડ કપ 2019 બાદ મહેન્દ્રસિંહ ધોની આંતરરાષ્ટ્રીય ક્રિકેટમાંથી સંન્યાસ લઇ લેશે, તેવી વાતો વહેતી થઇ હતી. પરંતુ બધાને ચોંકાવી ને મહેન્દ્રસિંહ ધોનીએ બીસીસીઆઈને worldcup બાદ બે મહિનાની રજા લીધી હતી અને ભારતીય સેનાની પેરાશુટ રેજિમેન્ટ ને પોતાની સેવાઓ આપી હતી. ત્યારે આ બે મહિના ના વેકેશન બાદ મહેન્દ્રસિંહ ધોનીએ આજે સાંજે પ્રેસ કોન્ફરન્સ બોલાવી છે. તેવા મેસેજ સોશિયલ મીડિયામાં વાઇરલ થયા છે.

ઉલ્લેખનીય છે કે આજે સાઉથ આફ્રિકા સામેની ટીમ પસંદગીની પ્રક્રિયા માં આજે મહેન્દ્રસિંહ ધોનીને પસંદ કરવામાં આવેલ નથી. ટ્વિટર પર ટ્રેન્ડ ચાલી રહ્યો છે કે, આજે સવારે વિરાટ કોહલીએ મહેન્દ્રસિંહ ધોની માટે કરેલી ટ્વિટ એ સંકેત આપે છે કે, મહેન્દ્રસિંહ ધોની એ નિવૃત્તિ લેવાનો નિર્ણય કરી લીધો છે. અને આ નિર્ણય તેમણે વિરાટ કોહલીને કહ્યો છે. જેથી વિરાટ કોહલી આ ટ્વિટ કર્યું છે.

આજે સવારે વિરાટ કોહલીએ ટ્વીટ કરીને લખ્યું છે કે, આ રમત હું ક્યારેય નહીં ભૂલી શકુ અને આ સાથે તેણે 2016માં ઓસ્ટ્રેલિયા સામેની એક મેચમાં ભારતે જીત મેળવી હતી તેનો ફોટો શેર કર્યો છે. જેમાં કોહલી મહેન્દ્રસિંહ ધોની ની સામે ઘૂંટણીએ બેસીને મેચ જીત્યા બાદ ઉજવણી કરી રહ્યો છે.