ભારત-મ્યાનમારની સરહદે જવાનો ઉપર આતંકવાદીઓ કર્યો હુમલો, ભારતના ત્રણ જવાનો શહીદ

મણિપુરમાં સેનાના જવાનો ઉપર એક ટીમે હુમલો કર્યો છે. આ હુમલામાં સૈન્યના ત્રણ જવાન શહીદ થયા હતા, જ્યારે 6 સૈનિકો ઘાયલ થયા હતા. બુધવારે રાત્રે લગભગ 1.15 વાગ્યે રાજધાની ઈમ્ફાલથી લગભગ 95 કિમી દૂર ચાંદેલ જિલ્લામાં આ ઘટના બની હતી. આ એક ડુંગરાળ વિસ્તાર છે.

સૂત્રોએ જણાવ્યું છે કે, ભારત-મ્યાનમારની સરહદે આવેલા ચાંદેલ જિલ્લામાં સ્થાનિક જૂથ પીપલ્સ લિબરેશન આર્મીના આતંકવાદીઓ દ્વારા હુમલો કરવામાં આવતા 4 આસામ રાઇફલ્સ યુનિટના 3 સૈનિકો માર્યા ગયા હતા અને 6 સૈનિકો ખરાબ રીતે ઘાયલ થયા હતા. ઘાયલ સૈનિકોને ઇમ્ફાલના પશ્ચિમ જિલ્લાની સૈન્ય હોસ્પિટલમાં દાખલ કરવામાં આવ્યા છે.

The terrorists first carried out an IED blast and then fired at the troops. Reinforcements have been rushed to the area which is 100 km from Imphal: Sources https://t.co/WgGVnZM8FQ

— ANI (@ANI) July 30, 2020

મળતી માહિતી અનુસાર, મણિપુરની સ્થાનિક આતંકવાદી જૂથ પીપલ્સ લિબરેશન આર્મીએ આ હુમલો કર્યો છે. આતંકવાદીઓની શોધમાં સેના દ્વારા સર્ચ ઓપરેશન ચલાવવામાં આવી રહ્યું છે. આ સાથે ભારત-મ્યાનમાર બોર્ડર પર જાગરણ વધારવામાં આવ્યું છે.