‘તિરંગા બાઇક રેલી’માં હેલ્મેટ વિના જ પહોંચી ગયા ભાજપના સાંસદ, પોલીસે ફાડ્યું 41 હજાર રૂપિયાનું ચલણ

‘આઝાદી કા અમૃત મહોત્સવ(Azadi Ka Amrit Mahotsav)’ અંતર્ગત, સાંસદ મનોજ તિવારી(Manoj Tiwari)એ બુધવારે લાલ કિલ્લાથી સંસદ ભવન સુધી નીકળેલી ભાજપની ‘તિરંગા બાઇક રેલી(Tiranga Bike Rally)’માં હેલ્મેટ વિના ભાગ લીધો હતો. સોશિયલ મીડિયા(Social media) પર ટીકા થયા બાદ તેણે પોતાની ભૂલ સ્વીકારી અને માફી માંગી.

ભાજપના સાંસદ મનોજ તિવારીએ સ્વીકાર્યું કે હેલ્મેટ વિના બાઇક રેલીમાં ભાગ લેવો ખોટું છે. આ માટે તેમણે ટ્રાફિક વિભાગ દ્વારા નક્કી કરાયેલા ચલણ ભરવા જણાવ્યું છે. તેણે પોતાની ભૂલ માટે માફી પણ માંગી છે. તિરંગા બાઇક રેલી દરમિયાન મનોજ તિવારીએ ‘વિજય વિશ્વ તિરંગા પ્યારા, ઝંડા ઉંચા રહે હમારા’ ગીત પણ ગાયું હતું. તેમણે કહ્યું- દરેક ઘર ત્રિરંગો, હર-ઘર ત્રિરંગો.. અમારા માટે પાર્ટી પહેલા દેશ છે.

ઉપરાષ્ટ્રપતિ એમ. વેંકૈયા નાયડુએ બુધવારે સવારે દિલ્હીના લાલ કિલ્લાથી વિજય ચોક સુધીની ‘હર ઘર તિરંગા’ બાઇક રેલીને લીલી ઝંડી આપી હતી. તમામ કેન્દ્રીય મંત્રીઓ અને સાંસદોએ તિરંગા બાઇક રેલીમાં ભાગ લીધો હતો. આ રેલીનું આયોજન સંસ્કૃતિ મંત્રાલય દ્વારા કરવામાં આવ્યું છે અને તેમાં વરિષ્ઠ નેતાઓ ઉપરાંત સેંકડો લોકોએ પણ ભાગ લીધો હતો. બધાએ પોતાના ટુ વ્હીલર પર ત્રિરંગો લગાવ્યો અને રેલીનો ભાગ બન્યા.

તે જ સમયે, હેલ્મેટ વિના ત્રિરંગા બાઇક રેલીમાં સામેલ થવા પર સાંસદ મનોજ તિવારી પર કુલ 41 હજારનો દંડ કરવામાં આવ્યો છે. જેમાંથી સાંસદ મનોજ તિવારી પર 21 હજાર રૂપિયાનું ચલણ લગાવવામાં આવ્યું છે જ્યારે બાઇક પર 20 હજાર રૂપિયાનું ચલણ ફાળવામાં આવ્યું છે. દિલ્હી પોલીસના પ્રવક્તા સુમન નલવાના જણાવ્યા અનુસાર, મનોજ તિવારીને હેલ્મેટ ન પહેરવા, લાયસન્સ વિના ટુ-વ્હીલર ચલાવવા, પ્રદૂષણ પ્રમાણપત્ર(PUC) વિના ટુ-વ્હીલર ચલાવવા અને હાઇ સિક્યોરિટી નંબર પ્લેટ ન લગાવવા બદલ ચલણ કરવામાં આવ્યું છે.