‘રાજકુમારી’ શિક્ષિકાની નવાબી તો જુઓ- પાણીમાં પગ ભીના ન થાય તે માટે બાળકો પાસે બનાવડાવ્યો ખુરશીનો પુલ

વાયરલ(Viral): જો વાત કરવામાં આવે તો આ દિવસોમાં દેશના ઘણા વિસ્તારોમાં ભારે વરસાદ(Heavy Rain) પડી રહ્યો છે. વરસાદના કારણે અનેક જગ્યાએ લોકોની મુશ્કેલીમાં વધારો થયો છે. વરસાદના કારણે અનેક જગ્યાએ પાણી ભરાઈ જવાના કારણે લોકોને અવરજવરમાં મુશ્કેલીનો સામનો કરવો પડી રહ્યો છે. સોશિયલ મીડિયા પર પાણી ભરાવાને લગતો એક વિડીયો વાયરલ(Viral video) થઈ રહ્યો છે, જે યુપી(UP)ના મથુરા(Mathura)નો જણાવવામાં આવી રહ્યો છે. ભારે વરસાદ બાદ એક શાળાની બહાર પાણી ભરાઈ ગયા, ત્યારબાદ શિક્ષકે વિદ્યાર્થીઓ માટે ખુરશીઓનો પુલ બનાવ્યો અને તેને પાર કરીને અંદર પહોંચ્યા.

#WATCH उत्तर प्रदेश: मथुरा ज़िले के अंतर्गत प्राथमिक विद्यालय दघेंटा का एक वीडियो वायरल हुआ है, जिसमें अध्यापिका छात्रों से कुर्सियों का पुल बनवाकर जलभराव को पार कर रही हैं। वीडियो वायरल होने के बाद अध्यापिका को निलंबित किया गया है। (28.07) pic.twitter.com/bw8ZqPaNrF

— ANI_HindiNews (@AHindinews) July 29, 2022

વિડીયો થયો વાયરલ:
આ વિડીયો સોશિયલ મીડિયા પર વાયરલ થયો હતો અને તેની નોંધ લેતા શિક્ષણ વિભાગે કાર્યવાહી કરી હતી અને શિક્ષકને તાત્કાલિક સસ્પેન્ડ કરી દેવામાં આવ્યા હતા. આ મામલો મથુરા જિલ્લાના બલદેવ ડેવલપમેન્ટ બ્લોકની પ્રાથમિક શાળા દાઘેન્ટા I સાથે સંબંધિત છે, જ્યાં વરસાદ પછી પાણી ભરાઈ ગયું હતું અને તેના કારણે શાળાનો રસ્તો બંધ થઈ ગયો હતો. આ પછી, શિક્ષક પલ્લવી શ્રોત્રિયાએ પાણીમાંથી બહાર નીકળવાનો અનોખો રસ્તો કાઢ્યો અને વિદ્યાર્થીઓ પાસે ખુરશીઓ માંગી અને પાણી પર પુલ બનાવ્યો અને તેને પાર કરીને શાળામાં પ્રવેશ કર્યો.

માંગવી પડી માફી:
શિક્ષકનો વિડીયો વાયરલ થતાં શિક્ષણ વિભાગ તાત્કાલિક હરકતમાં આવ્યું હતું. કાર્યકારી મૂળભૂત શિક્ષણ અધિકારીએ શિક્ષક પલ્લવી શ્રોત્રિયાને સસ્પેન્ડ કરવાનો આદેશ જારી કર્યો હતો. આ સિવાય ટીચર પાસેથી તેણે આવું કેમ કર્યું તેનો ખુલાસો પણ માંગવામાં આવ્યો છે, જેના જવાબમાં ટીચરે કહ્યું કે, ડોક્ટરોએ તેને પાણીથી દુર રહેવાની સલાહ આપી હતી, જેના કારણે તેણે આવું કર્યું. આ માટે આરોપી શિક્ષકે માફી પણ માંગી લીધી છે.