ગુજરાતમાં ક્યાંથી આવે છે ડ્રગ્સ? MD ડ્રગ્સ આરોપીનો સૌથી મોટો ચોંકાવનારો ખુલાસો

હાલમાં કોરોનાની મહામારી સમગ્ર વિશ્વમાં ચાલી રહી છે. આની સાથે જ સમગ્ર રાજ્યમાંથી અવારનવાર ડ્રગ્સની હેરફેર થતી હોય એવી ઘણી ઘટનાઓ સામે આવતી હોય છે. હાલમાં પાના આવી જ એક ઘટના સામે આવી રહી છે.વડોદરા એકસપ્રેસ હાઈવેની નજીક MD ડ્રગ્સની સાથે પકડાયેલ આરોપીઓની પુછપરછમાં ઘણાં ચોંકવનાર ખુલાસા થયા છે.

જેમાં સહજાદ તેજાબવાલા તથા ઇમરાન એહમદ અજમેરી મુંબઈનાં અફાફબાવા તેમજ એમના દીકરા ફિદાની પાસેથી લાવતા હતા.મુંબઈનાં ડ્રગ્સ ડિલર પિતા તથા દીકરાને કુલ 10 લાખ રૂપિયા ચુકવ્યા હોવાનું તપાસમાં બહાર આવ્યુ છે. મુંબઈના ડ્રગ્સ ડિલરોની સાથે સહજાદ તેજાબવાલા હાલમાં જ બેઠકો કરી હતી.

MD ડ્રગ્સ મુંબઈથી લાવીને અમદાવાદમાં કુલ 1 ગ્રામની ઝીપર બેગની પડીકી બનાવીને પેડલરો મારફતે વેચાણ કરવામાં આવતુ હતુ. આરોપીઓને MD ડ્રગ્સનું વેચાણ કરવાં માટે મોટા માથાનું પીઠબળ હોય એ બાબતની તપાસ કરવામાં આવશે.આરોપીઓનાં મોબાઈલ નંબર મેળવી લીધા છે તેમજ એમના નંબરને આધારે કોલડિટેઈલ કાઢવામાં આવશે.

જેને આધારે ડ્રગ્સ માફિયા તથા મોટા પેડલરોની પણ તપાસ કરવામાં આવશે. ASI ફિરોઝ નાગોરીની સાથે અન્ય પોલીસ કર્મચારી અથવા તો સરકારી કર્મચારી સંકળાયેલ હોય એ બાબતની તપાસ કરવી ખૂબ જ જરૂરી છે.સહજાદ તેજાબવાલા તથા આરીફ ઉર્રેફ મુન્નો કાઝીની સાથે મળીને સંખ્યાબંધ વાર MD ડ્રગ્સ મુંબઈથી લાવીને વેચાણ કરવામાં આવતું હોવાનું જાણવા મળ્યું છે.