હવામાન વિભાગની મોટી આગાહી: રાજ્યના આ જિલ્લાઓમાં ધડબડાટી બોલાવશે મેઘરાજા

ગુજરાત રાજ્યના હવામાન વિભાગે ગુજરાતમાં સારો વરસાદ પડી શકે છે તેવી આગાહી કરી છે. આગામી ચાર દિવસોમાં રાજ્યમાં ભારે વરસાદ ખાબકી શકે છે. હવામાન વિભાગે આગાહી કરતા જણાવ્યું છે કે, દક્ષિણ ગુજરાત સહિત અન્ય કેટલાય વિસ્તારમાં ભારેથી અતિભારે વરસાદ પડી શકે છે.

ગુજરાત રાજ્યમાં આગામી સમયમાં ખુબ જ સારો વરસાદ પડી શકે છે તેવી આગાહી હવામાન વિભાગે કરી છે. હવામાન વિભાગે આગાહી કરતા જણાવ્યું છે કે, 23 જુલાઈના રોજ બંગાળની ખાડીમાં ફરી એક વખત લો પ્રેશર સક્રિય થય રહ્યું છે. જેને લીધે ગુજરાતમાં ભારેથી અતિભારે વરસાદ ખાબકી શકે છે.

હવામાન વિભાગની આગાહી દક્ષિણ ગુજરાતમાં અને સૌરાષ્ટ્રમાં પણ વરસાદ પડી શકે છે. સાથે સાથે ગુજરાતના અન્ય કેટલાય અન્ય વિસ્તારોમાં પણ હળવાથી માધ્યમ વરસાદ પડશે. જયારે ગાંધીનગર અને અમદાવાદમાં પણ વરસાદ પડશે તેવી આગાહી હવામાન વિભાગ દ્વારા કરવામાં આવી છે.

નોંધનીય છે કે રાજ્યના અનેક જિલ્લાઓમાં ઓછો વરસાદ પડ્યો છે. તેમજ ગીર-સોમનાથ, દ્વારકા સહિતના વિસ્તારમાં સારો વરસાદ ખાબક્યો છે. હવામાન વિભાગની આગાહી મુજબ વલસાડમાં ભારેથી અતિભારે વરસાદ પડી શકે છે. જેથી માછીમારોને દરિયો ન ખેડવા માટેની સુચના આપી દેવમાં આવી છે.