સુરતમાં બુટલેગરો બેફામ: જાહેરમાં દારૂની મહેફિલ માણતા શખ્સોને ટકોર કરતા સ્થાનિકોને માર્યો માર

કોરોના મહામારી દરમિયાન રાત્રી કર્ફ્યું લાગુ કરવામાં આવ્યું છે, ત્યારે બીજી તરફ દારૂની હેરાફેરી થતી હોય છે. આ ઉપરાંત અડધી રાત્રે દારૂની મહેફિલ મણાતી હોય તેવા કેસો સતત પોલીસની નજરે ચડે છે. આવા કેસોની સંખ્યા ગુજરાતમાં દિવસેને દિવસે વધી રહી છે. રાત્રી કર્ફ્યું દરમિયાન એવા ઘણા કેસો સામે આવે છે જેમાં દારૂની મહેફિલ મણાતી હોય છે. આ દરમિયાન સુરતમાંથી ફરીવાર આવી જ ઘટના સામે આવી છે. 

જાણવા મળ્યું છે કે, સુરતના પાંડેસરામાં દારૂની મહેફિલ માણતા શખ્સોએ ઇન્ડસ્ટ્રીયલ દુકાન પર પથ્થરમારો મારો કર્યો હોવાની બાતમી પોલીસને મળતા પોલીસ પણ દોડતી થઈ ગઈ હતી. આ બુટલેગરો એક દુકાનની આગળ દારૂની મહેફિલ માણવા બેઠેલા હોવાથી તેમને ટકોર કરતા મામલો ગંભીર બન્યો હતો અને હોબાળો મચી જવા પામ્યો હતો.

આ દરમિયાન બેફામ બનેલા બુટલેગરોના ઇન્ડસ્ટ્રીયલ દુકાન ઉપરાંત માણસોએને પણ પથ્થરમારો કર્યો હોવાનું સામે આવ્યું હતું જેથી ઉદ્યોગપતિઓમાં પણ ભારે રોષ જોવા મળી રહ્યો છે. ઉદ્યોગપતિઓએ આરોપ લગાવતા જણાવ્યું કે, GIDCની તમામ ગલીઓમાં હપ્તાખોર પોલીસ કર્મચારીઓની મહેરબાનીઓથી અડ્ડાઓ ચાલી રહ્યા છે. આ દરમિયાન તાત્કાલિક પોલીસ કાફલો ઘટના સ્થળે દોડી જતા લોકો ભેગા થઈને આ ન્યુશન્સ બંધ કરાવવા માટે રજુઆત કરી રહ્યા છે.