10-12 વર્ષના ટાબરિયઓએ 10 વર્ષની છોકરી સાથે કર્યો ગેંગરેપ- જાણો ક્યાંની છે હિચકારી ઘટના

હાલમાં દુષ્કર્મના કિસ્સાઓ સતત સામે અવી રહ્યા છે. આ દરમિયાન ફરીવાર એક કિસ્સો સામે આવ્યો છે. જેમાં હરિયાણાના રેવાડીમાં 24મે ના કેટલાક બાળકો મેદાનમાં રમતા-રમતા નજીકની સ્કૂલ બિલ્ડિંગમાં જતા રહ્યા. ત્યાં 7 છોકરાઓએ એક 10 વર્ષની છોકરી સાથે ગેંગરેપ કર્યો હતો. પરંતુ આ ઘટના એક અઠવાડિયા બાદ ત્યારે સામે આવી જ્યારે વિડીયો પીડિત છોકરીના પાડોશીઓએ સોશિયલ મીડિયા પર જોયો.

તેમણે છોકરીના પરિવારને આ અંગે જાણકારી આપી ત્યારે વાત પોલીસ સુધી પહોંચી હતી. છોકરીનો પરિવાર ૯ જૂને પોલીસ પાસે પહોંચ્યો અને અંગે ફરિયાદ નોંધાવવામાં આવી હતી. આ ઉપરાંત રેવાડીના ડીએસપી હંસરાજ એ જણાવ્યું કે, આ કેસ મહિલા પોલીસ સ્ટેશનમાં ipc કલમ 376 ડી, 354 સી, 506 પોક્સો, આઈટી અને એસસ/એસટી એક્ટ અંતર્ગત નોંધવામાં આવ્યો છે.

જાણવા મળ્યું છે કે આ સાતેય આરોપીઓમાંથી એક પુખ્ત વયનો છે અને 18 વર્ષનો છે. બાકીના 10 થી 12 વર્ષની વચ્ચેના છે. છોકરીના પાડોશીઓએ વીડિયોના આધારે આરોપીઓની ઓળખ કરી છે. આ અંગે હંસરાજે જણાવ્યું કે, “જેવો આ મામલો અમારી સામે લાવવામાં આવ્યો અમે આરોપીઓની ધરપકડ કરી છે.

આરોપી અને પીડિતા પાડોશી જ હોવાનું સામે આવ્યું છે.” પોલીસનું કહેવું છે કે, છોકરીને મેડિકલ ચેકઅપ માટે લઇ જવામાં આવી છે. આમાં છોકરીની સાથે ગેંગરેપની ઘટનાની પુષ્ટિ થઈ છે. આ સમગ્ર ઘટનામાં ચોંકાવનારી વાત તો એ છે કે, 7 આરોપીઓમાંથી ત્રણ તો સગીરાના સંબંધી જ છે.