પોલીસ સ્ટેશનમાં કામ કરી રહેલા ઈન્સ્પેક્ટર પર ચડી ગયો વાંદરો, માથામાંથી જૂઓ શોધી ખાવા લાગ્યો

સોશિયલ મીડિયા પર એક વીડિયો ખૂબ વાયરલ થઈ રહ્યો છે. જેમાં એક પોલીસ ઓફિસર ટેબલ પર બેસીને કામ કરી રહ્યા છે અને તેમના માથા પર બેસીને એક વાંદરો જૂ કાઢી કાઢીને ખાઈ રહ્યો છે. હેરાન કરનાર વાત તો એ છે કે આ વીડિયો ઉત્તર પ્રદેશના પીલીભીચ જિલ્લાનો છે.

પીલીભીતના પોલીસ સ્ટેશન કોતવાલી નગરમાં સોમવારે એક ખૂબ ચોંકાવનારી ઘટના સામે આવી છે. પોલીસ સ્ટેશનમાં મુખ્ય પોલીસ અધિકારી જ્યારે બપોરે ફરિયાદ સાંભળી રહ્યા હતા ત્યારે જ તેમના માથા પર એક વાંદરો આવીને બેસી ગયો.

શ્રીકાંત દ્વિવેદી ફરિયાદ સાંભળવાનું કામ કરતા હતા ત્યાં જ તેમના માથા પર બેસીને વાંદરો વાળમાંથી જૂ કાઢી-કાઢીને ખાઈ રહ્યો હતો. ઈન્સ્પેક્ટરે વાંદરાને નીચે ઉતરવા માટે પ્રયત્ન કર્યો પરંતુ તે ન માન્યો.