‘બાય મિતાલી, મારી લાશ પર રોવા આવજે’ કહી મોરબીના યુવકે FB Live કરી ટુકાવ્યું જીવન- જુઓ વિડીયો

મોરબી(ગુજરાત): મોરબીના વાવડી રોડ વિસ્તારમાં રહેતા કિશનભારથી ગૌસ્વામી નામના યુવાને ગળેફાંસો ખાઈ આપઘાતનો લાઇવ વિડીયો જોવા મળ્યો હતો. આપઘાત કરતા પહેલા ખુદ મૃતક યુવાન કિશનભારથી ગૌસ્વામીએ ફેસબુક લાઈવ અને અન્ય સોશિયલ મીડિયામાં લાઈવ થઈને જણાવ્યું હતું કે, આ આપઘાત પાછળ પ્રેમલગ્ન જવાબદાર હતો અને લાઈવ થયા બાદ થોડાક જ સમયમાં તેને ગળેફાંસો ખાઈને જીવન ટુંકાવ્યું હતું.

કિશનભારથી ગૌસ્વામીએ ફેસબુક ઉપર લાઈવ થઇ તેને જેની સાથે પ્રેમલગ્ન કર્યા હતા તે યુવતીનો ઉલ્લેખ કરી યુવતી, તેના માતા-પિતા અને યુવતીના માસી સહિતના લોકોનો ત્રાસ હોવાથી તે આપઘાત કરે છે. પોતાનો આ વિડીયો છેલ્લો હોવાનું અને ભગવાન હવે બીજા જનમમાં માનવ જિંદગી ન આપે તેવું જણાવ્યું હતું.

સાંજે પાંચ વાગ્યે કિશનભારથીએ ગળેફાંસો ખાઈને આપઘાત કરતા મૃતદેહને પોસ્ટમોર્ટમ માટે સિવિલ હોસ્પિટલ મોકલવામાં આવ્યો હતો. એ ડિવિઝન પોલીસે આ મામલે તપાસ હાથ ધરી છે. આ અંગે અધિકારી વી.પી.છાસિયાએ જણાવ્યું હતું કે, એક મહિનાથી મૃતક યુવાનના પત્ની તેના પિતાના ઘરે ચાલ્યા ગયા છે અને કોર્ટમાં કેસ પણ ચાલી રહ્યો છે. જેમાં આજે મૃતકના પત્ની હાજર રહ્યા ન હોતા. પ્રાથમિક તપાસમાં જાણવા મળ્યું છે કે, પત્નીને તેડવા છતાં ન આવતા યુવકે આત્મહત્યા કરી લીધી હોવાનું મૃતકના પરિવારજનોએ જણાવ્યું હતું. જો કે હાલ એ ડિવિઝન પોલીસે આ બાબતે તપાસ શરુ કરી છે.