સુરતના આ આશ્રમમાં 100થી વધુ મહિલા પુરુષો સાધુનું પ્રવચન સાંભળવા માસ્ક વગર થયા ભેગા- જુઓ અહી

હાલ કોરોના તેના અંતિમ ચરણમાં છે. ભારતની વાત કરીએ તો કોરોના નો આકડો દિવસેને દિવસે વધી રહ્યો છે. ગુજરાત રાજ્યમાં કોરોનાથી ખૂબ જ ભયંકર પરિસ્થિતિ સર્જાઈ છે. ગુજરાતના ઘણા શહેરોમાં કોરોના વાયુવેગે વધી રહ્યો છે. ગુજરાતમાં છેલ્લા એક સપ્તાહથી દરરોજ રેકોર્ડ બ્રેક કેસો નોંધાઈ રહ્યા છે. એક તરફ હોસ્પિટલોમાં બેડ નથી મળી રહ્યા અને બીજી તરફ લોકો ની બેદરકારી અને અને કોરોના નિયમોનું ઉલ્લંઘન લોકો કરતા નજરે ચડયા છે.

સુરત અને અમદાવાદ શહેરમાં કોરોના નો વિસ્ફોટ થયો છે. આ બન્ને શહેરો સહિત ગુજરાતના ઘણા શહેરોમાં કોરોના નો વ્યાપ ધીરે ધીરે વધી રહ્યો છે. આવા સમયે વચ્ચે લોકોએ જાગૃત થવાનું હોય અને કોરોના થી બચવા દરેક નિયમોનું ચુસ્તપણે પાલન કરવાનું હોય તેની જગ્યાએ દરેક નિયમોનો ભંગ કરે લોકો બેદરકારીપૂર્વક વર્તન કરી રહ્યા છે. એવી જ એક ઘટના હાલમાં સુરતમાં સામે આવી છે. સુરતના સરથાણા વિસ્તારમાં એક આશ્રમમાં મોટી સંખ્યામાં લોકો ઉપસ્થિત થયા હતા. પ્રાપ્ત થયેલી માહિતી અનુસાર કાળુદાસ આશ્રમ માં આશરે ૧૦૦ જેટલા લોકો સોશિયલ ડિસ્ટન્સનો ભંગ કરી માસ વગર એક હોલમાં એકઠા થયા હતા.