અકસ્માતની ગોઝારી ઘટના: ડમ્પરની ટાયર નીચે કચડાતા માતા-પુત્રીનું મોત, એકબીજાને ચોંટીને તોડ્યો દમ

ચંડીગઢનાં મોહાલીમાં એક રુંવાડા ઊભા કરી દે એવો બનાવ બહાર આવ્યો છે. જ્યાં એક ડમ્પર ચાલક દ્વારા એક્ટિવાને ટક્કર મારવામાં આવી હતી. જેનાં પગલે એક્ટિવા સવાર માતા-પુત્રીનો બનાવ સ્થળે જ કમકમાટી ભર્યું મૃત્યુ થયું હતું. અકસ્માત એટલો ભયાનક છે કે, દ્રશ્ય જોનારા લોકોએ તેની આંખો બંધ કરી હતી.

માતા-પુત્રીનાં લોહીથી લાલ થયો
નોંધનીય છે કે, દર્દનાક અકસ્માત મોહાલીનાં ઈન્ટરનેશનલ એરપોર્ટ ઓરડ ઉપર સિંહ શહિદાં ગુરુદ્વારા નજીક થયો હતો. જ્યાં ડંમ્પરનું ટાયર એક્ટિવાને કચડીતા માં બેટી ઉપર ફરી વળ્યું છે. સમગ્ર રસ્તો લોહીથી લાલ લાલ થઇ ગયો હતો. માં પુત્રીએ એકબીજાને ચોંટીને ત્યાંના દમ તોડ્યો હતો.

બન્નેનાં મૃત્યુ પછી પરિવારજનો પહોચ્યા
બનાવની જાણ થતાં જ ASI ભરત રામ પોતાની ટીમની સાથે બનાવ સ્થળે પહોંચી હતી. બન્નેને હોસ્પિટલ મોકલવામાં આવ્યા હતા. જ્યાં ડોક્ટરોએ તેને મૃતક જાહેર કર્યા હતા. એ પછી પોલીસે પરિવરજનોને જાણ કરીને બોલાવ્યા હતાં.

આ અગાઉ ડમ્પર ચાલકે કારને પણ ટક્કર મારી હતી
નોંધનીય છે કે, ડંમ્પર ચાલકે આ અગાઉ એક કારને પણ ટક્કર મારી હતી. એમાં કાર સવાર બલજીત ગંભીર રીતે ઘાયલ થયા હતા. ટક્કર મારીને ચાલક બનાવ સ્થળેથી ભાગી ગયા હતા. ડંમ્પર મહતાબ નામનો વ્યક્તિ ચલાવતો હતો. જેણે એક્ટિવાને ટક્કર માર્યા અગાઉ એક કારને પણ ટક્કર મારી હતી. જોકે, થોડે દૂર ડંમ્પર ચાલકને લોકોએ પકડી લઈને પોલીસને સોપી દીધો હતો.