50 હજારનો મેકઅપ કરાવી માં-દીકરી ફરાર- પાર્લરની માલકિને કહ્યું ‘મેં મારી લાઈફમાં આવા ગ્રાહક નથી જોયા’

તમે કોઈ દુકાનમાંથી સમાન ચોરી જતા, અથવા પેટ્રોલ પુરાવી પૈસા આપ્યા વગર ફરાર થતા લોકો વિષે સાંભળ્યું હશે, પરંતુ હાલ એવા સમાચાર સામે આવ્યા છે, જેને સાંભળી ચોંકી ઉઠશો. આ કેસમાં હજારો રૂપિયાનો મેક-અપ કરાવ્યા બાદ બે મહિલાઓ પૈસા આપ્યા વગર બ્યુટીપાર્લરમાંથી ભાગી જતા ચકચાર મચી હતી. તેના આ કૃત્ય પર બ્યુટી પાર્લરની માલકિને પોલીસમાં ફરિયાદ કરી છે. આ સાથે તેણે સોશિયલ મીડિયા પર એક પોસ્ટ કરીને તે મહિલાઓને શોધવાની અપીલ કરી છે.

પાર્લરના માલિકનું નામ જેડ એડમ્સ (Jade Adams) છે. 28 વર્ષીય એડમ્સે જણાવ્યું કે બે દિવસ પહેલા તેની દુકાન પર બે મહિલાઓ આવી હતી. તેઓએ તેમની ઓળખ મા-દીકરી તરીકે આપી. બંનેએ મેકઅપની સાથે બોટોક્સ ટ્રીટમેન્ટ અને અન્ય મોંઘી ટ્રીટમેન્ટ કરાવી. પરંતુ જ્યારે 48,942 રૂપિયાનું બિલ ભરવાનો સમય આવ્યો ત્યારે તે ત્યાંથી ફરાર થઇ ગઈ.

બ્રિટનના રહેવાસી જેડ એડમ્સે ફેસબુક પર એક મહિલાનો ફોટો શેર કરતા લખ્યું – કૃપા કરીને આ ચોરોની તસવીર શેર કરો. કમનસીબે આ મહિલા અને તેની પુત્રી ગઈકાલે મારા પાર્લરમાં બ્યુટી ટ્રીટમેન્ટ માટે આવ્યા હતા. પરંતુ તે પૈસા ચૂકવ્યા વગર ભાગી ગયા છે.