માતા કૂટણખાનું ચલાવતી અને દીકરાઓ ગ્રાહક શોધી લાવતા- જાણો કેવો ફિલ્મીઢબે થયો પર્દાફાશ

એક બાજુ જયારે કોરોનાએ કાળો કહેર વર્તાવ્યો છે ત્યારે બીજી બાજુ ક્યાંક મસાજ પાર્લરના ઓથા હેઠળ દેહવ્યાપારના ધંધાઓ ધમધમી રહ્યા છો, તો ક્યાંક એકલ દોકલ ફ્લેટ કે મકાનો ભાડે રાખી તેમાં દેહવિક્રીયના ગોરખધંધાઓ ચાલી રહ્યા છે.

હાલમાં આવા જ એક શેક્સ રેકેટનો પર્દાફાશ રાજકોટ પોલીસે કર્યો છે જેમાં જાણવા મળ્યું છે કે, એક મહિલા બહારથી યુવતીઓને બોલાવતી જયારે તેના પુત્રો ગ્રાહક શોધી લાવતા અને ગ્રાહક દીઠ 1500 વસુલવામાં આવતા અને ભોગ બનતી યુવતીઓને ફક્ત 500 રૂપિયા જ આપવમાં આવતા હતા.

મળતી માહિતી મુજબ, શહેરના જાગનાથ પ્લોટ શેરી નંબર 15માં આવેલા વીણા એપાર્ટમેન્ટના પહેલા માળે રીટાબેન નામની મહિલા દેહ વ્યાપારનો ધંધો ચલાવતી હોવાની બાતમી પ્રદ્યુમન નગર પોલીસને મળી હતી. આ ઉપરાંત રીટાબેનનો દીકરો ધવલ તથા સંજય પટેલ નામનો વ્યક્તિ ગ્રાહક શોધીને ગ્રાહક મોકલાવતો હોવાની ચોક્કસ બાતમી પણ મળી હતી.

બાતમીની ખરાઇ કરવા માટે તાત્કાલિક પ્રદ્યુમન નગર પોલીસ મથકના પી.એસ.આઇ કે. ડી. પટેલ સહિતનો સ્ટાફ ઘટનાસ્થળ પર પહોંચ્યો હતો. આ દરમિયાન જાણવા મળ્યું હતું કે, ઘટના સ્થળ પર રીટાબેન છેલ્લા ઘણાં મહિનાથી ફ્લેટ ભાડે રાખી દેહવ્યાપારનો ગેરકાયદેસર ધંધો ચલાવતા હતા.