ચોરી કે ભ્રષ્ટાચાર? સાંસદે મુકેલા 70 ટકાથી વધુ બાંકડાઓ કોઈ લઇ ગયું કે પછી મુક્યા જ નથી?

સુરતના ભાજપના સાંસદ દર્શના જરદોશના વધુ એક વખત પોતાની ગ્રાન્ટમાંથી મુકાયેલા બાંકડાના કારણે વિવાદમાં આવ્યા છે. સાંસદ દ્વારા તેમના મત વિસ્તારમાં ફાળવવામાં આવેલા હજારો બાંકડાઓ પૈકી સંખ્યાબંધ બાકડાઓ ઉચકાઇ ગયા હોવાની ચોંકાવનારી હકીકત બહાર આવી છે. વર્ષ ૨૦૧૬-૧૭માં દર્શના જરદોશે રૂપિયા ૧.૭૩ કરોડના ખર્ચે ફાળવવામાં આવેલા બાકડાઓ પૈકી મોટાભાગના બારોબાર વગે થઇ ચૂક્યા છે. આ ગંભીર બાબતે પોલીસ કમિશનર ઉપરાંત શહેરના વિવિધ ૧૧ પોલીસ મથકોને તેમના વિસ્તાર દીઠ કેટલા બાંકડાઓ પગ કરી ગયા તેની રજેરજની માહિતી સાથે ફરિયાદ કરાઇ છે.

mplads ફંડમાંથી બાંકડા મુકવા પાછળ ગ્રાન્ટ ન વાપરી શકાય હોવા છતાં ભાજપના સાંસદ દર્શનાબેન દ્વારા ખોટી રીતે ખર્ચ કરાયાં હોવાની ફરિયાદ પહેલા જ થઇ ચુકી છે અને આ વાત લોકો સુધી પહોંચતા દર્શનાબેન ને સુરતીઓ બાંકડાબેન કહીને સંબોધી રહ્યા છે. જાગૃત નાગરિકોના સર્વે માં જે જાણકારી બહાર આવી રહી છે.સર્વેમાં બહાર આવ્યું છે કે 70%થી વધુ બાંકડાઓ ઓછા છે. જાગૃત નાગરિકોએ શહેરના વિવિધ વિસ્તારોમાં ફરી તેમણે એક રેન્ડમ સરવે કરાવ્યો હતો. આ સરવેમાં ૮૬૫ બેન્ચો પૈકી સ્થળ ઉપર માત્ર ૧૯૩ બાકડાઓ જ ઉપસ્થિત હોવાનું જણાયું હતું.

સુરત લોકસભા બેઠકના ઉમેદવાર અને વર્તમાન સાંસદ દર્શના ઝરદોષ સામે બાંકડા વિવાદ ફરી એક વાર સામે આવ્યો છે અને આ બાંકડાનો વિવાદ દિવસેને દિવસે વકર્યો છે. થોડા સમય પહેલા દર્શના ઝરદોષ દ્વારા એમ.પી.લેડ્સના નિયમો વિરુદ્ધ જઇ કુલ 4224 જેટલા બાંકડા પાછળ 1.69 કરોડનો ધુમાડો કરવામાં આવ્યો હોવાના આરોપ સુરતના RTI એક્ટિવિસ્ટ દ્વારા કરવામાં આવ્યો હતો અને હવે દર્શના ઝરદોષ દ્વારા મુકવામાં આવેલ આ જ બાંકડા ઓ નિયત સ્થાનો પર જોવા નથી મળી રહ્યા. ઘણી જગ્યાઓ પર બાંકડાઓ ચોરી થઈ ગયા છે તો ક્યાંક તો તેવા સ્થળોએ બાંકડા જ મુકવામાં આવ્યા નથી. જે હકીકત સુરતના જાગૃત નાગરિકો અને RTI એક્ટિવિસ્ટો દ્વારા કરવામાં આવેલ સર્વેમાં બહાર આવ્યું છે. હિસાબ અનુસાર એક બાંકડાની કિંમત 4000 જેટલી થવા જાય છે.