મોટા સમાચાર: CSK ને IPL ચેમ્પિયન બનાવ્યા બાદ ધોનીએ પોતે ક્યારે રીટાયર થશે તે સમય કર્યો જાહેર

Published on Trishul News at 1:07 PM, Wed, 31 May 2023

Last modified on May 31st, 2023 at 1:08 PM

મહેન્દ્ર સિંહ ધોની ભારતીય ક્રિકેટ રસિયાઓ માટે માત્ર એક ક્રિકેટર નથી પરંતુ એક ઈમોશન છે. સચિન તેંદુલકર બાદ કોઈ લોકચાહના ધરાવતું હોય તો તે એક માત્ર મહેન્દ્ર સિંહ ધોની છે. આંતરરાષ્ટ્રીય ક્રિકેટમાંથી નિવૃત્તિ લેનાર મહેન્દ્ર સિંહ ધોની (MS Dhoni Retirement) 41 વર્ષનાં થાઈ ગયા છે. માહીએ ફરી એકવાર ચેન્નઈ સુપર કિંગ્સને IPL ટાઇટલ જીતાડ્યું છે.

IPLની આ સિઝન ધોનીની છેલ્લી સિઝન હશે કે કેમ તે અંગે ઘણી ચર્ચા ચાલી રહી છે અને ટાઈટલ જીત્યા બાદ ધોનીના શબ્દો પરથી એવું લાગી રહ્યું છે કે તે આગામી સિઝનમાં ચેન્નઈની કેપ્ટનશિપ કરતો જોવા મળી શકે છે. કારણકે મેચની પ્રેઝન્ટેશન સેરેમની માં મહેન્દ્ર સિંહ ધોનીએ કહ્યું હતું કે નિવૃત્તિ (MS Dhoni Retirement) અંગે નિર્ણય લેવા માટે તેની પાસે હજુ ઘણો સમય બાકી છે. નિવૃત્તિ લેવાનો આ શ્રેષ્ઠ સમય છે, પરંતુ લોકોનો પ્રેમ જોઈને તે વધુ રમવાની ઈચ્છા થઇ રહી છે.

ધોનીના  રીટાયરમેન્ટની IPLની શરૂઆતથી અટકળો ચાલી રહી હતી

IPL 2023ની શરૂઆતથી જ એવી અટકળો ચાલી રહી હતી કે આ ધોનીની છેલ્લી સિઝન હશે પરંતુ જે રીતે મહેન્દ્ર સિંહ’ ગ્રાઉન્ડ પર દર્શકોએ તેના પર પ્રેમનો વરસાદ વરસાવ્યો તે જોતા આની સંભાવના વધી રહી હતી. ફાઇનલમાં ગુજરાત ટાઇટન્સ સામે પાંચ વિકેટની જીત બાદ જ્યારે ધોનીને પૂછવામાં આવ્યું કે શું આ તેની છેલ્લી સિઝન છે તો તેણે કહ્યું, ‘જો જુઆ જઈએ તો મારા માટે નિવૃત્તિ લેવાનો આ શ્રેષ્ઠ સમય છે. મારા માટે તે કહેવું ખૂબ જ સરળ છે કે હું હવે વિદાય લઇ રહ્યો છું પરંતુ આગામી 9 મહિના સુધી સખત મહેનત કરીને પરત ફરવું અને વધુ એક સિઝન રમવી મુશ્કેલ છે.’

હું પાછો આવીશ અને બને તેટલું રમીશ- ધોની

ધોનીએ વધુમાં કહ્યું કે ચેન્નઈના ફેન્સે જે રીતે મારા પર પ્રેમ વરસાવ્યો છે, તેમના માટે વધુ એક સિઝન રમું તે મારા તરફથી તેમને ભેટ હશે. તેઓએ જે પ્રેમ અને જુસ્સો બતાવ્યો છે, મારે પણ તેમના માટે કંઈક કરવું જોઈએ. ધોનીએ કહ્યું, ‘આ મારા કરિયરનો છેલ્લો સ્ટેજ છે. અહીંથી જ શરૂઆત થઈ અને આખું સ્ટેડિયમ મારા નામનો જયઘોષ કરી રહ્યો હતો. ચેન્નઈમાં પણ આવું થયું હતું પરંતુ હું પાછો આવીશ અને મારાથી બને તેટલું રમીશ.

નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.

Be the first to comment on "મોટા સમાચાર: CSK ને IPL ચેમ્પિયન બનાવ્યા બાદ ધોનીએ પોતે ક્યારે રીટાયર થશે તે સમય કર્યો જાહેર"

Leave a comment

Your email address will not be published.


*