મને પૂછ્યા વગર તમે મને જન્મ જ શા માટે આપ્યો? મુંબઈના યુવાને કર્યો માતાપિતા સામે કેસ- વાંચો હકીકત

જટકો લાગે એવી વાત કહી શકાય તેવો કિસ્સો મુંબઇમાં બન્યો છે. માની ન શકાય પરંતુ હકીકત એ છે કે, મુંબઈના એક યુવાને પોતાના સગા માતા પિતા પર ફોજદારી દાવો મૂકવાની યોજના બનાવી છે. અજીબો ગરીબ વાત એ છે કે, મા બાપ વિરુધ્ધ કેસ કરવાનું કારણ એ કે મા બાપે તેને તેની સંમતિ વિના જન્મ આપ્યો હતો.

રફાએલ સેમ્યુઅલના સમાચાર સમગ્ર દુનિયામાં ફેલાઈ ગયા છે કે તેણે તેને જન્મ આપવા બદલ પોતાનાં પરિવારને કોર્ટમાં લઈ જઈ રહ્યો છે.રફાએલ સેમ્યુઅલે જણાવ્યું હતું કે બાળકોને તેમની મરજી વગર દુનિયામાં લાવવા એ ખોટું છે. જેનાથી તેમણે આખી જિંદગી સહન કરવું પડે છે.

આ યુવાન તેના માતાપિતા સાથે ખરાબ સંબંધ છે અને તેથી આવું પગલુ ભરી રહ્યો છે, તેવું પણ નથી. હકીકતમાં, તેમની સાથે તેનો ગાઢ સંબંધ છે, પરંતુ સૈદ્ધાંતિક રીતે, તે માત્ર તેના માટે બાળકને જન્મ આપતા લોકોનો વિરોધરુપે આ કેસ કરવા માંગે કરે છે.