“અયોધ્યા રામ મંદિર તોડી ત્યાં જ મસ્જિદ બનાવીશું”- આ નેતાએ આપી ધમકી

હાલમાં જ કોરોનાની મહામારી ચાલી રહી છે. હજુ ગઈકાલે જ એટલે કે 5 ઓગસ્ટનાં રોજ PM નરેન્દ્ર મોદી દ્વારા શ્રીરામ જન્મભૂમિ અયોધ્યામાં શ્રીરામ મંદિરનું ભૂમિપૂજન કરવામાં આવ્યું હતું. ઘણાં વર્ષોનાં વિવાદ બાદ આપણને અયોધ્યામાં શ્રીરામ મંદિર માટેની જમીન મળી છે. ત્યારે હાલમાં જ એક સમાચાર સામે આવી રહ્યાં છે.

અયોધ્યામાં PM નરેન્દ્ર મોદીએ કરેલ ભૂમિપૂજનનાં એક દિવસ પછી ‘અખિલ ભારતીય ઇમામ એસોસિએશન’ નાં પ્રમુખે ભૂમિપૂજન અને શિલાન્યાસ કરવાં અંગે એક ઉશ્કેરણીજનક નિવેદન આપ્યું છે. એસોસિએશનનાં પ્રમુખ મોહમ્મદ સાજિદ રાશિદીએ જણાવતાં કહ્યું છે, કે રામ મંદિર તોડ્યા પછી એક મસ્જિદ જ બનાવવામાં આવશે. રાશિદીએ એવું પણ કહ્યું, કે વિવાદિત સ્થળ પર ક્યારેય મંદિર હતું જ નહીં. બાબરી મસ્જિદ જ ત્યાં હતી અને તે જ રહેશે.

પોતાનાં નિવેદનમાં રાશિદીએ જણાવતા કહ્યું, કે ઇસ્લામ કહે છે કે મસ્જિદ એ હંમેશા મસ્જિદ જ હોય છે. બીજું કંઈપણ બનાવવા માટે એને તોડી પણ શકાતું નથી. અમારી માન્યતા હતી તથા હંમેશાં હશે જ, કે મસ્જિદ એ હંમેશા મસ્જિદ જ હોય છે. મંદિરને તોડીને મસ્જિદ બનાવવામાં આવી ન હતી, પરંતુ હવે એવું બને છે, કે મંદિરને તોડીને જ મસ્જિદને બનાવી શકાય.