પાકિસ્તાનના ખ્યાતનામ અખબારે મોદી-ટ્રંપને બેસાડ્યા રથ પર અને ઈમરાનને બનવ્યો ઘોડો

સંયુક્ત રાષ્ટ્ર મહાસભામાં પ્રધાનમંત્રી શ્રી નરેન્દ્ર મોદી અને ઇમરાન ખાનના ભાષણ પહેલા પાકિસ્તાનમાં હંગામો થયો છે. પાકિસ્તાની અખબાર ધ નેશને એક કાર્ટૂન ચિત્ર પ્રકાશિત કર્યું છે. જેની અંદર અમેરિકાના રાષ્ટ્રપતિ ડોનાલ્ડ ટ્રમ્પ અને ભારતના પ્રધાનમંત્રી શ્રી નરેન્દ્ર મોદી રથ પર બેઠેલા બતાવવામાં આવ્યા છે. આ રથને ઘોડો નહી પરંતુ પાકિસ્તાનના વડા પ્રધાન ઇમરાન ખાન ખેંચી રહ્યા છે.

આ ચિત્ર જોતા લાગે છે કે જાણે ઇમરાન ખાનની માંસપેશમાં તાણ પડી રહી હોય. ઇમરાન આ બંન્નેને ખેંચતા દેખાઈ રહ્યા છે. બીજી તરફ, ડોનાલ્ડ ટ્રમ્પના હાથમાં ચાબુક છે જે તે ઇમરાન ખાન પર ચલાવવા જઇ રહ્યા છે. બીજી તરફ ડોનાલ્ડ ટ્રમ્પ તેમની બાજુમાં બેઠેલા નરેન્દ્ર મોદીના ખભા પર મૈત્રીપૂર્ણ હાથ રાખી રહ્યા છે.

ડોનાલ્ડ ટ્રમ્પ અને નરેન્દ્ર મોદીને હસતાં બતાવવામાં આવ્યા છે. આ કાર્ટૂન રિલીઝ થયા બાદ પાકિસ્તાનમાં હંગામો મચી ગયો છે. લોકોએ તેમના પોતાના વડા પ્રધાનને બદનામ કરવા બદલ ધ નેશન અખબારની ટીકા કરી છે. ટ્વીટર ઉપર પણ તીખી પ્રતિક્રિયા સામે આવી રહી છે. સલમાન અંસારી અને અશફાક ખ્વાજા જેવા લોકોએ આ કાર્ટૂનને સ્તબ્ધ કરનારું પરંતુ સાચુ ગણાવ્યુ છે.