મોદી સરકારે 19 જેટલી આ સરકારી કંપનીઓને મારી દીધા કાયમી તાળા, જાણો વિગતે

મોદી સરકારે HMT, હિન્દુસ્તાન કેબલ્સ અને ઇન્ડિયન ડ્રગ્સ જેવી સાર્વજનિક ક્ષેત્રની 19 કંપનીઓને બંધ કરવા માટે મંજૂરી આપી દીધી છે. આ કંપનીઓ હવે ઇતિહાસ બની જશે. સરકાર તરફથી આ માહિતી કોંગ્રેસના સાંસદ એડવોકેટ અદુર પ્રકાશ તરફથી કરવામાં આવેલા સવાલના જવાબમાં આપવામાં આવી હતી. કોંગ્રેસ સાંસદ અદુર પ્રકાશે ભારે ઉદ્યોગ અને લોક ઉદ્યમ મંત્રાલય પાસે સરકારી ક્ષેત્રની કંપનીઓની માહિતી માગી હતી.

અદુર પ્રકાશે સરકારને સવાલ પણ કર્યો કે શું સરકાર ખોટમાં ચાલી રહેલા PSU ને બંધ કરવા માગે છે કે તેના ખાનગીકરણનો વિચાર કરી રહી છે. સરકારના મંત્રી અરવિંગ સાવંતે અલગ અલગ વિભાગોની ખોટમાં ચાલી રહેલી કંપનીઓની માહિતી આપી હતી. આ સાથે જ તેમને એ 19 કંપનીઓને બંધ કરવાની હોવાની યાદી પણ લોકસભામાં આપી હતી.

હિન્દુસ્તાન મશીન ટુલ્સ સરકાર કંપની છે જેની સ્થાપના 1953માં ભારત સરકાર દ્વારા યંત્ર ઉપકરણ નિર્માણ ઉદ્યોગના રૂપમાં થઇ હતી. આ કંપની ઘડીયાળ, ટ્રેક્ટર, યંત્રો, ધાતુના સાધનો, વગેરેનું નિર્માણ કરતી હતી.