ટૂંક સમયમાં ‘નારી શક્તિ’ રચશે ઈતિહાસ: નીલ આર્મસ્ટ્રોંગ બાદ હવે પ્રથમ વાર મહિલા ચંદ્ર પર મુકશે પગ

અમેરિકન અંતરીક્ષ એજન્સી નાસા (NASA) ફરી એક વાર મનુષ્યને ચંદ્ર પર મોકલવાની યોજના બનાવી રહી છે. 1972 માં, નાસાએ મનુષ્યને પ્રથમ વખત ચંદ્ર પર મોકલ્યો હતો. નાસાના ચીફ જિમ બ્રિડેનસ્ટેઇને (NASA Chief Jim Bridenstein) અહેવાલ આપ્યો છે કે, ‘નાસા 2024 માં ચંદ્ર પર પ્રથમ મહિલા અવકાશયાત્રીને (Female astronaut) ઉતારવાની યોજના બનાવી રહ્યું છે. એક પુરૂષ અવકાશયાત્રી પણ આ મિશન સાથે મોકલવામાં આવશે. નાસાના જણાવ્યા મુજબ, આ મિશન ચંદ્ર પર વૈજ્ઞાનિક શોધ, આર્થિક લાભ અને નવી પેઢીના સંશોધકોને પ્રેરણા આપવા માટે શરૂ કરવામાં આવી રહ્યું છે.

નાસાના પ્રમુખ જિમ બ્રિડેનસ્ટેઇને બ્રીફિંગમાં જણાવ્યું હતું કે, મિશનના બજેટને લઈને થોડી મુશ્કેલી છે, કારણ કે દેશમાં રાષ્ટ્રપતિની ચૂંટણી છે. જો અમેરિકન સંસદ ડિસેમ્બર સુધીમાં પ્રારંભિક બજેટ 23,545 કરોડ રૂપિયાને મંજૂરી આપે તો આપણે ચંદ્ર પર અમારું અભિયાન ચલાવી શકીશું.

Underwater Q&A with @Astro_Feustel coming up soon: https://t.co/mzKW5uDsTi https://t.co/BOd4rywHCZ

— NASA (@NASA) September 25, 2020

તેમણે કહ્યું કે, આ મિશનમાં નાસા ચંદ્રના અસ્પૃશ્ય દક્ષિણ ધ્રુવ પર અવકાશયાનનું લેન્ડિંગ કરશે. આ મિશન 4 વર્ષમાં પૂર્ણ થશે અને તેના પર લગભગ 28 અબજ ડોલરનો ખર્ચ થશે. બ્રિડેંસ્ટીને કહ્યું કે, “આ મિશનમાં નવી વસ્તુઓની શોધ કરવામાં આવશે. અગાઉ કરવામાં આવેલા વૈજ્ઞાનિક સંશોધન કરતા આમાં વિવિધ સંશોધન કરવામાં આવશે. તેમણે કહ્યું કે, 1969 ના એપોલો મિશન દરમિયાન અમે વિચારતા હતા કે, ચંદ્ર શુષ્ક છે, પરંતુ હવે આપણે જાણીએ છીએ કે, ચંદ્રના દક્ષિણ ધ્રુવ પર પાણીનો મોટો જથ્થો છે. હાલમાં, ત્રણ ચંદ્ર લેન્ડરોના નિર્માણનું કામ ચાલી રહ્યું છે, જે અવકાશયાત્રીઓને ત્યાં લઈ જશે.