રુવાડા બેઠા કરી દેતી ઘટના, ભયંકર અકસ્માતમાં એક જ પરિવારના ત્રણ લોકોનો છૂંદો બોલી ગયો

Neemuch Van Accident: રાજ્ય સહિત સમગ્ર દેશમાં અકસ્માતની ઘટનાઓમાં દિવસેને દિવસે સતત વધારો નોધાય રહ્યો છે. પુરપાટ ઝડપને કારણે રોજે સેકડો લોકો પોતાનો જીવ ગુમાવતા હોઉં છે, ત્યારે અનેક લોકો સામેવાળા વ્યક્તિના કારણે પણ જીવ ગુમાવતા હોય છે. ત્યારે વધુ એક અકસ્માતની ઘટના મધ્ય પ્રદેશના નીમચ માંથી સામે આવી છે.

એક વાન નીમચમાં મનસા-મંદસૌર રોડ પર પાર્ક કરેલી ટ્રેક્ટર-ટ્રોલી સાથે અથડાઈ હતી. આ અકસ્માતમાં એક જ પરિવારના ત્રણ લોકોના મોત થયા હતા. ત્યારે ચાર લોકોની હાલત ગંભીર છે. ઘાયલોને નીમચની જિલ્લા હોસ્પિટલમાં દાખલ કરવામાં આવ્યા છે. આ અકસ્માત સવારે લગભગ 6 વાગે થયો હતો. આ પરિવાર ઉજ્જૈનથી મહાકાલના દર્શન કરીને પરત ફરી રહ્યો હતો.

મળતી માહિતી મુજબ વાન મંદસૌરથી આવી રહી હતી, જે રૂપવાસ પાસે રોડ કિનારે પાર્ક કરેલી ટ્રેક્ટર-ટ્રોલી સાથે અથડાઈ હતી. ટ્રોલીમાં ટેન્ટનો સામાન રાખવામાં આવ્યો હતો. મેળલી માહિતી અનુસાર મૃતકો મંદસૌર જિલ્લાના દેવરી ખવાસાના રહેવાસી હતા. હાલ અકસ્માતનું કારણ જણાવવામાં આવી રહ્યું છે. પ્રત્યક્ષદર્શીઓના જણાવ્યા મુજબ ગ્લેન્ડર મશીનથી વાન કાપીને મૃતદેહો અને ઘાયલોને બહાર કાઢવા પડ્યા હતા.