April 25, 2024
નેપાળના વડાપ્રધાન કે.પી શર્મા ઓલીએ આરોપ લગાવ્યો છે કે, ભારત તેમની સરકાર પાડી દેવા માંગે છે. ઓલીના મતે આ માટે દિલ્હી અને કાઠમાંડુમાં કાવતરું રચવામાં આવી રહ્યું છે. ઓલીના આક્ષેપો એવા સમયે આવ્યા છે જ્યારે શાસક શક્તિ જોડાણમાં તેમના ચીન પ્રેમની આકરી ટીકા થઈ રહી છે. ઓલી સરકાર ઉપર વિરોધીઓના બે આરોપો છે. પ્રથમ આરોપ છે કે, સરકારે નેપાળની જમીનનો મોટો ભાગ ચીનને આપી દીધો. અને બીજો આરોપ છે કે, કોવિડ-19 સામેની કાર્યવાહી કરવામાં સરકાર નિષ્ફળ ગઈ.
નિષ્ફળતાને છુપાવવાનો પ્રયાસ
નેપાળી અખબાર ‘ધ હિમાલયન ટાઇમ્સ’ના જણાવ્યા પ્રમાણે, મહાગઠબંધનમાં ઓલીનો જબરદસ્ત વિરોધનો થઈ રહ્યો છે. ટીકાકારોને સાંભળવાની અને ચૂપચાપ કરવાને બદલે હવે તે પહેલાની જેમ ઈન્ડિયા કાર્ડ ખોલવાનો પ્રયાસ કરી રહ્યા છે. ખુરશી બચાવવાનો આ પ્રયાસ છે. અખબારના અહેવાલ મુજબ ઓલીએ કહ્યું છે કે, ભારત તેમની સરકારને ગબડવા માટે કાવતરું ઘડી રહ્યું છે. આ કારણ છે કે, તેમણે બંધારણીય સુધારા દ્વારા નેપાળના નકશામાં લિમ્પીયાધુરા, લીપુલેખ અને કલાપાણીને શામેલ કર્યા છે.
આખરે ઓલીએ શું કહ્યું હતું?
Trending News
રવિવારે એક કાર્યક્રમ દરમિયાન ઓલીએ કહ્યું, “તમે ભારતીય મીડિયામાં સાંભળ્યું જ હશે કે આવતા એક કે બે અઠવાડિયામાં મને પદ પરથી હટાવવામાં આવશે.” આ વિશે ઘણી વાતો કરવામાં આવી રહી છે. ભારત સરકારની મશીનરી પણ સક્રિય છે.” ઓલીએ કહ્યું કે, 2016 માં મેં ચીન સાથે વેપાર કરાર કર્યો હતો. આ પછી મને સત્તાથી દૂર કરવામાં આવ્યો, પરંતુ આ વખતે તે થશે નહીં.
તેમના જ સાંસદે આ આરોપોને ફગાવી દીધા હતા
વિશેષ વાત એ છે કે, ઓલીના આક્ષેપોની થોડી મિનિટો પછી જ તેને બીજો ઝટકો લાગ્યો. તેમની જ પાર્ટીના સાંસદ રામ કુમારી ઝાંકરીએ કહ્યું- વડા પ્રધાન ભારત પર પાયાવિહોણા આરોપો લગાવી રહ્યા છે. તેઓ ફક્ત તેમની નિષ્ફળતાથી લોકોનું ધ્યાન દૂર કરવા માંગે છે. ઓલીને ચીનના કટ્ટર સમર્થક માનવામાં આવે છે. પાર્ટીના અન્ય જૂથના નેતા પુષ્પ કમલ દહલ પ્રચંડ ઘણા મુદ્દાઓ પર તેમનો વિરોધ કરી રહ્યા છે. પાર્ટીની બેઠક બુધવારથી શનિવાર સુધી ચાલી હતી. વડાપ્રધાને ફક્ત એક જ દિવસ તેમાં હાજરી આપી હતી.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો ત્રિશુલ ન્યુઝની એન્ડ્રોઇડ એપ મોબાઇલ એપ્લિકેશન. અથવા Google Play Store માં જઈને Trishul News સર્ચ પણ કરી શકો છો.
https://play.google.com/store/apps/details?id=com.trishul.news
અમારું ફેસબુક પેજ લાઈક કરો અને ફોન પર અપડેટ્સ મેળવતા રહો.
