April 25, 2024
કળિયુગી દુનિયામાં એક કઠણ કાળજાની માતાઓ ઘણીવાર પોતાનાં જ સંતાનને તરછોડવાની ઘટનાઓ સામે આવતી હશે. સામાન્ય રીતે આવી ઘટનાઓમાં કુંવારી માતાઓ પોતાનું જ પાપને છુપાવી રાખવાં માટે આવું કૃત્ય કરતી હોય છે, તથા તો સભ્ય સમાજમાં પુત્રપ્રેમને લીધે બાળકીઓ અવતરે તો તેને પણ તરછોડી દેતી હોય છે.
ત્યારે અમદાવાદમાં જ માનવતાને શર્મસાર કરતી આવી જ એક ઘટના સામે આવી છે. અમદાવાદમાં પણ રક્ષાબંધનનાં પવિત્ર પર્વનાં દિવસે જ માત્ર 7 દિવસની બાળકીને તરછોડી દેવાંની ઘટના સામે આવી છે.સામાન્ય રીતે તો રાજ્યમાં આવી ઘણી ઘટનામાં બાળક રોડ પરથી કે કચરાપેટી પાસેથી મળી આવતું હોય છે.
પણ, આ ઘટનામાં બાળકીને એક આશ્રમની બહાર તરછોડી દેવામાં આવી હતી. બાળકી જોરજોરથી રડવા લાગી હતી ત્યારે જ આશ્રમનાં સત્તાધીશોને જાણ થઈ હતી તેમજ ત્યારપછી એમણે કાગપીઠ પોલીસને પણ જાણ કરી હતી. હાલમાં તો કાગડાપીઠ પોલીસે ગુનો નોંધીને આગળની તપાસ પણ હાથ ધરી છે.
આ ઘટનાની મળતી જાણકારી મુજબ, અમદાવાદમાં રક્ષાબંધન પર્વનાં દિવસે જ માનવતા શર્મસાર થઈ છે. શહેરનાં રાયપુર દરવાજાની પાસે મહિપતરામ રૂપરામ આશ્રમ આવેલ છે. રક્ષાબંધનનાં દિવસે જ આશ્રમની બહાર દુધવાળો તથા રસોઈયો પણ સવારે આવ્યા જ હતા.
Trending News
દૂધ લેવા માટે આશ્રમની દેખરેખ કરતા અનિતા બહેન જયારે બહાર આવ્યા હતા, ત્યારે જ આશ્રમની બહાર મૂકેલું એક પારણું હલતું હતું. એમાં પગ પછાડવાનો તથા રડવાનો અવાજ પણ આવવા લાગ્યો હતો. જેથી તેઓએ જઈને જોયું તો એમાં એક માસૂમ નાની તાજી જ જન્મેલી બાળકી જોવાં મળી હતી.
આ બાળકી અંદાજે માત્ર 7 જ દિવસની હશે તેમજ એનું વજન પણ માત્ર 2 kg જેટલું જ હતું. આ આશ્રમમાં અનિતા બહેન પરમાર કુલ 28 વર્ષથી નિવાસી ગૃહમાતા તરીકેની ફરજ બજાવી રહ્યાં છે. તેઓ આશ્રમમાં નિરાધાર કે તરછોડેલ બાળકોની સારસંભાળ આશ્રમમાં જ કરી રહ્યાં છે.
કોઈ વ્યક્તિ રોડ પર અથવા તો કચરાપેટીમાં બાળક તરછોડી ન દે તેની માટે આશ્રમની બહાર જ એક પારણું મુકવામાં આવેલ છે. આ પારણામાં કોઈ નિરાધાર બાળક મૂકી જાય તો એને આ આશ્રમ દ્વારા જ પાલનપોષણ કરવામાં આવે છે.
આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો ત્રિશુલ ન્યુઝની એન્ડ્રોઇડ એપ મોબાઇલ એપ્લિકેશન. અથવા Google Play Store માં જઈને Trishul News સર્ચ પણ કરી શકો છો. https://play.google.com/store/apps/details?id=com.trishul.news અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટસએપ માં સમાચાર મેળવવા નીચેની લીંક પર ક્લિક કરીને અમારા ગ્રુપ માં જોઈન થઇ જાઓ.: https://chat.whatsapp.com/E2pD11wP9KrCPLydKPZuJP
