વિદ્યાર્થી અને વિદ્યાર્થીનીઓ દારૂની મહેફિલમાં મસ્ત હતા ને પડી રેડ. જાણો પછી શું થયું ?

ગુજરાતના ગાંધીનગર શહેરમાં ચિલોડા વિસ્તારમાં આવેલા ફાર્મમાંથી દારૂની મહેફિલ માણતા 15 યુવક-યુવતીઓ ઝડપાયાં છે. દશેલાની સીમમાં માધવ ફાર્મમાં 5 યુવતી અને 10 યુવકો બર્થ ડે પાર્ટી માટે ભેગા થયાં હતાં. જોકે, સુમસાન વિસ્તારમાં દારૂના નશામાં બૂમો અને ચિચરારી પાડવું તેમને મોંઘુ પડી ગયું હતું, કોઈએ આ અંગે પોલીસને જાણ કરી દેતા ગાંધીનગર એલસીબીએ રેડ કરીને તમામને ઝડપી લીધાં હતાં. પોલીસે બે મર્સિડિઝ સહિત 6 કાર, દારૂની ચાર બોટલ અને 12 મોબાઈલ સહિત 1 કરોડથી વધુની કિંમતનો મુદ્દામાલ જપ્ત કર્યો હતો.

માધવ ફાર્મના માલિક અને કુશલના પિતા જયેશ પટેલ:

મહેફિલમાં મસ્ત રહેલા તમામ યુવક-યુવતીઓ એન્જિનિયરિંગ તેમજ સ્નાતક કક્ષાના વિદ્યાર્થીઓ છે. જેઓ સ્મિતની જન્મદિવસની પાર્ટીમાં એકઠા થયા હતા. તેઓ જ્યાં મહેફિલ જમાવીને બેઠા હતા તે માધવ ફાર્મના માલિક કુશલના પિતા જયેશ પટેલ હતા. પોલીસે તમામ યુવક-યુવતીના મેડિકલ ટેસ્ટ કરાવ્યો છે. ત્યારબાદ વધુ કાર્યવાહી હાથ ધરવામાં આવી હતી.